يقولون به عمده وبه حي معمور=وانا اقول يا مال السحاب ورعوده
بسلم وانا ما شفت ناصر و منصور=وعسى الحلم ياهل العرف تصدق و عوده

نجوم السماء فوق العرب وانت معذور=تغرك عمـــايل بيض وقتك وسوده
تجود بمدك لين يبدى على النور=وسوق الجمل والا مع الدرب قوده

يدور الفلك و الشمس ياهيه ماتدور=ومن غط نور الشمس باحت سدوده
ترى الوقت وقت الضد و الضد مسرور=عقدنا الحبال وعادتنا امعقوده

قبل عام تسعه ماعرف العمي والعور=وتــو الخبـــر جتني تسوقه شهوده
على البحر الاحمر كان رسيت بابــور=كسبت الحياة وكل رجل وجهوده

قبل عام تسعه و انت منهي و مامور=وفي كل عام انقول لا يا وجوده
ترى البحر حوت وقرش واصغار هامور=وياكم حسبنا والبحر من يقوده

من اي البشر قدام اسلمك مخفــور=لمركز يرحب فيك حضرة جنوده
بعض خلق ربي مات ما شاهد الكور=ومن حسرته يلطم بكفه خدوده