العمده:
يا سلامي سلام يواكب الأحداث=سرعته فالفضاء سرعة جنونية
التفت وين دام العهد له نكـاث=والخيانة غدت حاجة طبيعيـة
مهندس القاف:
مرحبا رحب سبق محرك النفاث=رحلته في السماء ماهيب بريه
العقيده لها عنـد اهلهـا وراث=كل مامات مفتـي دوّروا زيـه
العمده:
البقا كثر مـن واروه فالاجـداث=سود الايـام مكتوبـة ومقريـة
لو ذراع الرجل في حر ماله عاث=يبتره بتـر والا يصلـح النيـة
مهندس القاف:
علم ماهوب حلم مفسر الاضغاث=مار للنـاس ربٍ يدفـع السيـه
الحصاني ليا جاها بلا و غلاث=تاكل الجايـده وتلحـق النيـه
العمده:
سايق الدنة اللي تنقل الكـراث=غشني بالشهـادات الفلانيـة
احسبه للنضا صوب العلا حثاث=واثر راسه صديع وطمعته فيه
مهندس القاف:
البلا في الطبيب ومركز الابحاث=يحقن الحر الاشقـر دم حنديـه
قدم عينك غدى مالك ثلاث اثلاث=مير صحصح تعشوك الحراميـه
العمده:
كان ما حول ابو عرام غير اناث=المشـــاريه في هـــذي وهذيه
ما احسب ان العقد يطلع لها نفاث=في حمايه وانا زبن الجلاوية
مهندس القاف:
المباسم جميله والقلوب خباث=مار سو لك في ذا الليل مرثيه
باذل الروح فوقه بالتراب يحاث=والعوض في جنان الخلد حوريه
العمده:
لا انت زارع مع الزارع ولا حــــراث=تضحك وتبكي ... من العام فالفيه
اعتمادي على اللي مرتجيه يغاث=وانت ما احتاج من شرواك ذريه
مهندس القاف:
لو بغينا قلبنا فوقك الاثاث=انت يادوب حصلت لك زوليه
سير واحذر تغرك مكثة المكاث=السعه هرجها ميدان حريه
العمده:
المهــند لكبـــد النافـــره فراث=كان سارت بالاخلاق التجارية
طعنة الوقت لو يطلــع لها نباث=بكرة نحمله في ظهر دورية
مهندس القاف:
غلطتي (تركتس) يانبتة الجثجاث=لين عشتي على الارض السناويه
ما انت مجري سحابٍ ماطره هثهاث=خيلت فوقك السحب الركاميه
« آخـــر الـــمـــشـــاركــــات »
02-Dec-2009, 01:47 AM
العرض العادي
