يا أبو فرح ,َ هلمّ

[محمد الحمادي]

السلام عليكم ورحمة الله ,َ

أبو فرح /

مسيت بالخير , وللفائده منك َ


---------

يأبو فرح وأنا أدري إنك شاعر الوزن الثقيل = وإتسير والدرب إيسره ماهو شبيها ً لأيمنه
يا صاحبي من بعد ماجيتك وأنا عابر سبيل = الله يستر لاتمشي شئ ما ندري عنـــــه

.

[مــــحــــمــــد]

وعليكم السلام ورحمة الله وبركاته

صبحت بالنور

والفايده لنا طال عمرك

يامرحبا بالشاعر الي ماندورله بديل = لوكان فالدار السناوي شفته يسوق ضعنه
ياصاحبي دامك حضرت وجيت مطوي الصميل = خلك على وضح النقا حتى تجيك البينه

[محمد الحمادي]

هههههه

كمّل معي يالين نور الصبح يطلع فالطويل = أما أترك الكذب أتركه ولا أعلن الصدق أعلنه
سولفت لك عن سالفة موضوعنا وآخر مديل = فالجحر يا رجّال دسّ إلّك ولد عم إعدنه

[مــــحــــمــــد]

طيب طيب

انا معك ياصاحبي والحمل من فوقك يميل = وانته عميل الملعنه لكن تجيك الملعنه
مالله ماجمل صاحبي لاكن انا بفعل جميل = حتى ينزل عينه ويعرف وشنهو معدنه

آخر تعديل مــــحــــمــــد يوم 23-Nov-2009 في 01:27 AM.

[محمد الحمادي]

هههههه

أنا دليل ٍ مايضيّع درب وأعرف الدليل = العلّم بيّن , مير قبل أقول صح الألسنه
والله ما أدوّر عليك الدرب يالشيخ الجليل = والجرح يؤجر صاحبه لاضاق منّه وأحزنه

[مــــحــــمــــد]

الله الله

انته دليله مير حطيت القدم في درب سيل = والي سواتك لازم يدور جبل ثم يزبنه
مهما تدور مابه الا الطيب والعلم الجزيل = وابشرك دوم الردي نسمع علومه طنطنه

[محمد الحمادي]

طيب كمان ,

عانك تثاقلها بعد ما جاك صبح وراح ليل = والدين باقي لين هالحينه ما سددت إثمنه
حتيش لو إنك في وسط الملعبه ياهنّ فيل = ماكل من غنّا على طاروق يبدع فـ ألحنه

[مــــحــــمــــد]

ماقنعت هههههههههه

والله مالد النظر ياهيه فالعلم الهزيل = لكن نصيحه كل هرج تقوله احفر وادفنه
فهمتها ياصاحبي ولاّ نزيد الكيل كيل = حتى الطريق الملتوي اتجنب وتسمح منه

[محمد الحمادي]

هههههههههههههه

أنا أشهد إنّي مالحقني سوّ في ظلّ ظليل = آخذ مايغنيني من الأسواق والشرّ أركنه
منته مجنّب عنّها بإرضاك جمره فالشليل = لكّن سير الملعبه تصريف ؟ بالطيب أدهنه

[عبدالله الجـــذع]

هذا والله الصباح

صحت السنتكم يالمبعدين


شعراء وقاف فايف ستار

متابعين والصف مايحتاج معروف

محبكم

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا