النشمي
ياعيد العازمي تضحك وانا لازم لك المرصاد= يابن عاصي على العتبان والله ماتمشيها!!
اشوفك يوم شفت الناس عيو قلت انا سداد؟= تريد اتصير راع الاوله منته براعيها!!
العازمي
هواجيسك تدفّك للعنا والشاهد الاجواد= وانا مابين ربعي والعلوم العوج اعدّيها!!
على الوقفات راسي . من يقابل ماعنه نشاد = مواقيف الشرف مهتول لحيه من يخليها!!
النشمي
اقول ابعد عن الضباط مجلاسك مع الافراد= عقيد القوم دون القوم ياخذها ويعطيها!!
مانبغا مدتك فيها يابن عاصي فشر وعناد=تصرفك العوج تبا تكحلها وتعميها!!
العازمي
على وسق المطيه يالثبيتي ميركه وشداد = وراعيها عن العتبان للعدوان حاديها!!
ياشين الهرجه اللي مالها بين الرجال اشهاد = ياراع اللقمه اللي كل ليله سمها فيها!!
النشمي
اشوف الفبركه والنصب واضح والك نصف الزاد= على ماقيل فالامثال حاميها حراميها!!
لال الله ثم ابو فيصل وابن تركي وابن عواد=حرام انك ماتطلع فول الهجره وتاليها!!
العازمي
تصيد الناس يالنشمي وجالك عازمي صياد = على وضح النقا مابين بايعها وشاريها!!
ترى ماهي غريبه يالثبيتي تحسد الاسياد = بعد ماكنت قدم القافله ترجع تباريها!!
النشمي
ياعيد العازمي زومان ماهمه دبيب اقراد=لكن اركد وهد النفس واعط القوس باريها!!
انا اعبد خالقي جنس البشر ماني لهم عباد= لكن انته تقبل روسها وتحب اذانيها!!
العازمي
تركتك ليلة البارح وذا الليله تبا المعواد = على وجهك سوالف دوب بانتلي مواريها!!
حكومتنا الرشيده شاركت في معركة بغداد = وقسمك ذايع النشره تجهّزله ويمليها!!
« آخـــر الـــمـــشـــاركــــات »
15-Nov-2009, 09:37 PM
العرض المتطور
