علي فلاح العضياني
الوسم نوّه مبتدي ,,, و البرق فالمنشا يلوح=لو يستوي فوق الخضاره شالها بترابها
علّم جماعتنا بني مرشد طويلين الشبوح=تحسب حساب الوقفه اللي حاسبين حسابها
بندر المرشدي
ما فيه غير المزنة الي ما توصلك الطموح =لا هب معصير الهواء في ظرف وقت ادوابها
عد الروى كلاً على جاله من الماضي يموح=ماهوب ناشد حاضرين القوم عن غيّابها
علي فلاح العضياني
الثابته لقمتك تنشب وسط حلقك ما تروح=هذا ليا جوك الرجال اللي طوال أشنابها
ابو خشيم يصيح في برقا و مزحم و الطلوح=ما يدري إنّ المعرفه و الموهبه لاصحابها
بندر المرشدي
الثابتة دلتك فوق الجمر قدامك تفوح=تبا تكيف روس عضيانك وتنه أعصابها
ابو خشيم مع العوارف ياعلي بانٍ صروح=ما صاح غير اليا نخيته ثم فك قرابها
علي فلاح العضياني
يالمرشدي ,,, بيتٍ بلا معنى ,,, جسد من دون روح=إجمالنا تضرس عليك ,,, إسمع ضريس أنيابها
الفرق واضح زين ,,, ما يبغاله زيادة وضوح=لو إنّكم عزوه على الطاله تسجّ ركابها
بندر المرشدي
فصلت ثوبك والبسه ... ياراعي القلب النصوح=وان طعتني قفل على سلعتك في دولابها!!
الواضح ان اسمي مسجل قبلكم في كل لوح=انشد شباب المملكة وش سولفوا شيابها
علي فلاح العضياني
إليا تواجهنا يعيش الجدّ و تموت المزوح=في حاضر الميقاف شبّ النار يا شبّابها
عمهوج من ينساه كسّاب المفاخر و المدوح= الضيط شالح داس عدوانه و قصّ أرقابها
بندر المرشدي
في يدك ياكبر الحجر .. لكن ما تقدر تشوح=ما هي رخامة بس مثلك ناس أخذت ثيابها
خلاص بعده ما بقي لك لا غبوق ولا صبوح=لولاي يمدي حطتك بقعاء ما بين انيابها
« آخـــر الـــمـــشـــاركــــات »
11-Nov-2009, 08:03 PM
العرض الشجري