علي فلاح العضياني=
الوسم نوّه مبتدي ,,, و البرق فالمنشا يلوح=لو يستوي فوق الخضاره شالها بترابها
علّم جماعتنا بني مرشد طويلين الشبوح=تحسب حساب الوقفه اللي حاسبين حسابها
بندرالمرشدي=
ما فيه غير المزنة الي ما توصلك الطمـوح=لا هب معصير الهواء في ظرف وقت ادوابها
عد الروى كلاً على جاله من الماضي يموح=ماهوب ناشد حاضرين القوم عـن غيّابهـا
علي فلاح العضياني=
الثابته لقمتك تنشب وسط حلقك ما تروح=هذا ليا جوك الرجال اللي طوال أشنابها
ابو خشيم يصيح في برقا و مزحم و الطلوح=ما يدري إنّ المعرفه و الموهبه لاصحابها
بندرالمرشدي=
الثابتة دلتك فوق الجمـر قدامـك تفـوح=تبا تكيف روس عضيانك وتنه أعصابهـا
ابو خشيم مع العوارف ياعلي بانٍ صروح=ما صاح غير اليا نخيته ثم فـك قرابهـا
علي فلاح العضياني=
يالمرشدي ,,, بيتٍ بلا معنى ,,, جسد من دون روح=إجمالنا تضرس عليك ,,, إسمع ضريس أنيابها
الفرق واضح زين ,,, ما يبغاله زيادة وضوح=لو إنّكم عزوه على الطاله تسجّ ركابها
بندرالمرشدي=
فصلت ثوبك والبسه ... ياراعي القلب النصوح=وان طعتني قفل على سلعتـك فـي دولابهـا!!
الواضح ان اسمي مسجل قبلكم في كـل لـوح=انشد شباب المملكـة وش سولفـوا شيابهـا
علي فلاح العضياني=
إليا تواجهنا يعيش الجدّ و تموت المزوح=في حاضر الميقاف شبّ النار يا شبّابها
عمهوج من ينساه كسّاب المفاخر و المدوح=الضيط شالح داس عدوانه و قصّ أرقابها
بندرالمرشدي=
في يدك ياكبر الحجر .. لكن ما تقدر تشوح=ما هي رخامة بس مثلك ناس أخذت ثيابهـا
خلاص بعده ما بقي لك لا غبوق ولا صبوح=لولاي يمدي حطتك بقعاء ما بيـن انيابهـا
الله الله
ياسلام عليكم
ابوفلاح وابو سلطان
وطاروق رااائع
صحت الالسن وصحت القلوووب
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|