رفيع المنزل
سلام الله برديه ترجح كفـة الميـزان=بداه الشاعر اللي كلمته يثبت دلايلهـا
نستو ياعتيبه شعرنا في ماضي الازمان=تحسبون المعاني ورثكم وانتم فطاحلها
عيد بن مرضي
هلا يامرحبا ترحيبةٍ تقلط على الصفطان=بداه الشاعر اللي لابته تعرف مثايلهـا
ليا ثارت بندقنا وجـوك غايـمٍ دخـان=زبنت الطيبه مـره تحايلـك وتحايلهـا
رفيع المنزل
ياعلك للبقا عن لابة ٍ ماتطلب الاحسـان=وانا اشوف البروق اللي تلامع في مخايلها
ليا ثارت بنادقكم عساها ترمـي النيشـان=لكن طالبـك بيبـان الحقيقـه لاتقفلهـا
عيد بن مرضي
وليا ياشجرةٍ طالت لعله تاصل الضلعـان=بعيده والعرب في ظلها زانـت مقايلهـا
تخطون الصواب وفعلنا في ساحة الميدان=ياراع الآبه اللي مانكرنـا وش فعايلهـا
رفيع المنزل
نسيت جذورها اللي ثابته وتناظر الاغصان=وعقب اغصانها طالت سبب حسدك تجاهلها
فعايلنا عليها شهود ماتشهد على البهتـان=واذا في خاطرك ياعيد هرجه عجل وقلهـا
عيد بن مرضي
نناظر للغصون اللي تمايل في طرف بستان=تشد العين يوم الأذن تسمع فـي جلاجلهـا
رفعت البيت وأنته ماوزنت الطنب والعمدان=وصارت فرصةٍ للذيب جاهل فـي دلايلهـا
رفيع المنزل
عسى ربي يبارك فالنعاج ويكثـر الخرفـان=على شان الخروف ان شاف له نعجه يغازلها
فداك الصيده اللي صدتها لي ياابرق الجنحان=تراني عارف اخر طرقتي ويـاك ف اولهـا
عيد بن مرضي
رماني حظي الأقشر عميلي مسند الرعيان=يبونك للرجوم الطايلـه منتـه بطايلهـا
تريح في حلال الجود ربعنا تكرم الضيفان=نشد الحمل غيرك ياصحيبي رجل شايلها
« آخـــر الـــمـــشـــاركــــات »
10-Nov-2009, 11:27 PM
العرض العادي
