العازمي
مرحبا بالشاعر اللي مايكلّ ولايملي = للعلوم الطيبه واللي يجيله مع طرفها!!
فالحجاز وكل طلقه ماتجنّب عنه ملي = يوم راع البندقيه عن هدفها ماحرفها!!
ابو لمار
البقا بالشاعر اللي كنت احسبه مايزلي = عملته عمله قديمه لو حسبها ماصرفها
فيك طلقه من حزامي وش تصد ووش تخلي = وانت مبطي فالحجاز وطلقتي فيك اتعرفها
العازمي
يابني سفيان لو يزهم عميلي جيت كلي = مار مايجهل علومي غار رجلٍ ماعرفها!!
بندقك في راس ضلعك صيدها صيدٍ محلي = ماتضدّبها الرجال اللي تمدّك من شرفها!!
ابو لمار
ياعتيبه يوم عيد العازمي في الدار حلّي = غلطته ماظن غيره في محلّه يقترفها
ذبحتك ماهي صعيبه مير ذبحك مايحلي = مير خلك جوف ظلم ولاتغادر من غرفها
العازمي
فالليال المقبله والا مع الوقت المولي= كل كلمه مخطيه مرّت مع السيل وجرفها!!
اجبرك تستغفر الله عن كلامك ثم تصلي = ماطمع في راسي الراسي هذيليٍّ ذرفها!!
ابو لمار
انت في التمثيل بارع حيل ياحج امتولّي = مهنة التمثيل ماغيرك مع الناس احترفها
لاتحسبنك صقر فاعلى المراقيب امتعلي = الزرافه ياعميل الخير نعرف من زرفها
العازمي
من ربوع الطائف المانوس في جده مجلي = نخلةٍ من مرها بآصابع يدينه خرفها!!
مثل ربّان السحابه يوم فالديره يهلي = فال خير ونفس ابو مالك مفارقها ترفها!!
ابو لمار
وانت منفي جوف ظلم المظلمه يالتاجر اللي = عارض" سلعتك عند التاجر اللي يكترفها
لو تجيب الك السحابه مزنة" وتهلّ هلّي = كل ماحصلت غرفه جوف مغراف اغترفها
« آخـــر الـــمـــشـــاركــــات »
04-Nov-2009, 08:55 PM
العرض المتطور
