العازمي
مرحبا بالشاعر اللي ماتهيّاله وظيفه = عند بيبان القصور اللي جويداتٍ عمدها!!
مثل طيرٍ مايشدّه للفضا كثرة رفيفه = يدّرج حتى عليه الرايمه تنفر ولدها!!
علي فلاح العضياني
البقا من شاعر ٍ قد سجّل اسمه فالصحيفه=و الصحيفه و قّع الريّس عليها و اعتمدها
صدق فالعالم عقول ثقال و عقولٍ خفيفه=إنتقد كلمتك قدّام النشاما تنتقدها
العازمي
بعض الاسما كم نفوسٍ من مقابلها معيفه = والظلايم ماتبيّض وجه رجّالٍ شهدها!!
كم وكم حاول عضياني بمومية السفيفه = والنتيجه كن رجليها تقدّم قبل يدها!!
علي فلاح العضياني
كل عام إتلبّس الكعبه بثوبٍ من قطيفه=الرجال اللي تواعد ثمّ تصدق في وعدها
كيف ركّاب الشداد ... اليوم يضحك به رديفه ؟ =بالحساب الناس قبلك تعبتر و انته بعدها
العازمي
بالذهب والثوب تكسى كعبة الله الشريفه = كيف تكسيها عبادٍ ثوبها يكشف جسدها!!
في عيونك لو قطعت الدرب ماجيت النصيفه = والعرب تبني بيوت العز وتجوّد عمدها!!
علي فلاح العضياني
ما تشوف الراس مثل الناس و عيونك كفيفه=لوّ علّتها رمد بالكحل عالجنا رمدها
العوازم لو يحطّونك لبو فيصل خليفه=أصبحت كل العوازم فالضحى تصفق بيدها
العازمي
اختصرها واستخر مادامت الطرقه كليفه = فالحديث النفس ماتقدر ورى طاقة جهدها!!
طال عمره من رجالٍ مثل ضلعانٍ منيفه = مار عندك لا ,,سلف , حتى الخلف يحفظ سعدها!!
علي فلاح العضياني
عيد قلبه فيه شك و فيه ريب و فيه خيفه= و إن بغى نفسه ليا جات المواقف ما وجدها
شاعر عتيبه من العضيان ما فيكم وصيفه=الجزاله عندنا يوم العوازم تفتقدها
العازمي
السوالف للعوارف من صناديقٍ نظيفه = ماتقدّم للرفيق اللي مواقيفي جحدها!!
فيكم اللي نخبره شاعر يغني في وليفه = يوم قيس العازمي جمة هل النادر وردها!!
علي فلاح العضياني
ما حصل للعازمي غير الندم يوم النكيفه=كان ما نقّص حساب القوم ما زوّد عددها !!!
فوقكم عبدالمعين أبطى يجرّب حدّ سيفه=هل علمت إنّه مشدّد له قبيله من بلدها ؟؟؟؟؟؟؟
« آخـــر الـــمـــشـــاركــــات »
21-Oct-2009, 01:49 PM
العرض الشجري