أبن سرحان = الثبيتي
يالعوني احلامك تبا تقضي علاك وتنكبك = خلك تحت فيه عصانا .. والعن ابليس العنه
اقرب عتيبي لو يخمك كان ثنيت اركبك = مانته بواصل مستوانا.. والعن ابليس العنه
الشاعر = العوني
انته شرود احسب هواجيسك معي ماتنشبك = طيبك هروجك في قفانا .. والعن ابليس العنه
اقرب عتيبي يوم اجي يهتز خوف ... ويرتبك = الله يعفو عن خطانا ... والعن ابليس العنه
أبن سرحان = الثبيتي
الله لا يخلف على جهدك وكدك واتعبك = تكرم عن اعلومك لحانا .. والعن ابليس العنه
دارت علاك الدايره وانته تعزوى بنسبك = لكن خلك في ذرانا .. والعن ابليس العنه
الشاعر = العوني
ماانته مكّرم لحيتك عنها ولايكرم شنبك = وقليل في حق اقصرانا ... والعن ابليس العنه
اشره عليه كان اعدك مع عتيبه واحسبك = والله لاقلب ولالسانا ... والعن ابليس العنه
أبن سرحان = الثبيتي
الشوط الاول زل والتسجيل جا في ملعبك = يالله لا تغضب علانا .. والعن ابليس العنه
وانا اشهد انك في ثياب امطير ماغير الكبك = العلم هذا ماخفانا .. والعن ابليس العنه
الشاعر = العوني
اثرك على مذهبك الاول ماتغير مذهبك = وانته غنيمة في يدانا ... والعن ابليس العنه
اللي عليك انك بعد جيت العرب تاكل شببك = فاقوى العلل ينفع دوانا ... والعن ابليس العنه
أبن سرحان = الثبيتي
حنا ليا درنا السوالف معك نحبكها حبك = حتى نخليكم ورانا.. والعن ابليس العنه
تبا تكيسب من ظهور القوم!!!! هذا مكسبك = لاصار في ظهرك عشانا .. والعن ابليس العنه