حاكم الغناااامي=
ترى رد الوفا سنه العراف ياعون =ولاتنسون معروف بوابة ضريه
ولا ياسبقكم كالنعامه يوم تعدون =زبنتوا راعي الدار حماي الرعيه
العووني=
ضرية في طرفها ترى قشعان مدفون = من اللي ورّد الروقة حياض المنية
والا يااصحابنا ياعتيبة وش تقولون = نسيتوا وقعة هدان مثل الحرملية !!!
حاكم الغناااامي=
وش اللي جامع الشيخ والفاروق فالكون =كلاهم ياهل البوق للغادر ضحيه
نهار الحرمليه على العطفه تلالون =خصيمي عزوة مضيم مع حرب الابيه
العووني=
ضحيّة حد سيفٍ على العدوان مسنون = وقبله تركي حميد يوم النار حية
اليا من قلتها قلت لك مجنون مجنون = ترى المطران كانوا مقاديم السرية
حاكم الغناااامي=
وش اللي جامع الشيخ والفاروق فالكون =كلاهم ياهل البوق للغادر ضحيه
نهار الحرمليه على العطفه تلالون =خصيمي عزوة مضيم مع حرب الابيه
العووني=
ضحيّة حد سيفٍ على العدوان مسنون=وقبله تركي حميد يـوم النـار حيـة
اليا من قلتها قلت لك مجنون مجنون=ترى المطران كانوا مقاديم السريـة
حاكم الغناااامي=
على عرجا لنا كون والبره لنا كون=نجيك ولآآنك مخلي مراحـك كذيـه
وفوق المجمعه عزوة الجبعا يونون=وفيصل طاح مكسور من فوق المطيه
العووني=
تقوله وانت شاربك هاك الوقت محسون=يمر الحول مانمـت لـك ليلـة هنيّـه
نعد ميات لكـن عتيبـة كـم يعـدون=جميـع شيوخـم عندنـا فالجاهلـيـه
حاكم الغناااامي=
اقوله وانت خشمك بوسط الطين مدفون=واقوله وابن مدلج معي مثـل السبيـه
عن المطران مبلش وشيخ بريه يكفون=وباقي عزوتك فوقهـا مالـي شهيـه
العووني=
على وضح النقا مرتكي ماضاع لي لون=وجاري مابقي لـه رجـال ولارعيـه
لكن انتم تـرى مابكـم قـومٍ يسـدون=من الاسراف ناخذكـم شويـه شويـه
حاكم الغناااامي=
لاوالله باقيٍ لك بكـار وثـار وديـون=وجارك يلجمك بالقنا صبـح وعشيـه
ترى الاقزام نظراتها من دون في دون=ولايمكن يشوف القـزم ياكـود زيـه
العووني=
عداك اللوم مدامك اعمى قلب وعيون=ترى لو اسفهك مااحدٍ يشـره عليـه
تحت حد النظر ياعتيبـة ماتشافـون=وشوف النفس فيكم مع العالم سجية
حاكم الغناااامي=
الا ياهل الجياسر منابت زهر الافنـون=ربيعٍ نحصـده فـي الليـال السرمديـه
صغارٍ في عيون الصغار ان كان توحون=وعند الطيّب اكبر من طويـق وطميـه
ترى رد الوفا سنه العراف ياعون
ولاتنسون معروف بوابة ضريه
ولا ياسبقكم كالنعامه يوم تعدون
زبنتوا راعي الدار حماي الرعيه
ضرية في طرفها ترى قشعان مدفون
من اللي ورّد الروقة حياض المنية
والا يااصحابنا ياعتيبة وش تقولون
نسيتوا وقعة هدان مثل الحرملية
لاوالله باقيٍ لك بكـار وثـار وديـون
وجارك يلجمك بالقنا صبـح وعشيـه
ترى الاقزام نظراتها من دون في دون
ولايمكن يشوف القـزم ياكـود زيـه
حاكم الغنااامي
صح لسااانك ملياااااراااااات
ولاتسدك مبدع ورااائع
وشاعر كبير
العوني
صح لسااانك
مبدع ومشاكس
ومحاورة رااائعه
التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|