بسم الله الرحمن الرحيم
عند بحثي في الشبكه العنكبوتيه عن جيش الأخوان (أخوان من طاع الله) وعن تاريخ هذا الجيش
أنصدمت من مما وجدت من تحامل بعض الأقلام على هذا الجيش وتصفهم بأبشع الأوصاف بأنهم قتلة الأبرياء وأنهم خونه خانو العهد وتنال من رموز هذا الجيش!
فهاضت قريحتي بهذاه الأبيات اللتي أتمنى أن توفي قليل من حق هذا الجيش العظيم
وأخترت منتدى الهيلا خاصه لما فيه من حياديه!
أقول:
قصيدتي تخلي البعض طربان=والبعض صدره يحترق بالغبينه
قصيدتي موضوعيها جيش الأخوان=يوم(ن)مابه شاعر رد دينه
جيش أساسه دين سنه وقرأن=أخوان فالطاعه وفي نصر دينه
أفعالهم يشهد لها كل ميدان=الشاهد التاريخ ياجاحدينه
جيش مع أبن بجاد يتليه عتبان=ياويله اللي بالردى قاصدينه
معه الدويش اللي معه جيش مطران=كم فارس يذبح بضربة يمينه
وأبا الكلاب اللي معه جيش عجمان=كم راس شيخ(ن)باللقا قاطعينه
راح الشريف اللي حكم عدة أزمان =من مكه وطيبه جلا مظهرينه
وأبن رشيد اللي له الطيب عنوان=جاه الصباح وروحو ذابحينه
والترك ساقوهم ليا حد خيطان=البيك من قصره غصب طاردينه
مرحوم يانايف وفيصل وسلطان=ياحايزين الطيب ياكاسبينه
سلطان واف(ن) بالمواثيق ماخان=وفيصل ونايف بالمثل تابعينه
الله يجازيكم بعفو(ن)وغفران=ومعروفكم ماهمنا ناكرينه
هذا كلام الصدق ماني بغلطان= قاله ضمير(ن) حي والله يعينه
وسلامتكم