بسم الله الرحمن الرحيم
الاخوه الكرام
هذه اخر قصائد الشاعر العزيز / عوض سحمان العتيبي
في اخينا العزيز الشاعر/ فراج الهجيني
ويستاهل المادح والممدوح كل الطيب
لاهنت يـارع الفعـول الجزيـلات=ياطيب المبدا سند كـل مضهـود
ولاهان شيخـاًً عقبـك للمهمـات=عقب صبياً مايجي منـه منقـود
يالله عسى دايم حياتـه مسـرات=يارب انا طالبـك ياخيـر معبـود
اخص ابن سلطان فـراج بالـذات=عوق الخصيم اليا زما كل مقـرود
رفيقي اللي فـاق كـل العبـارات=الطيب تومه لافيـا معـه مولـود
سجل مع اهل الجود عال العلامات=وحاز امتياز المرجله مع هل الجود
يحمل على دروب المراجل شهادات=وكل العلوم الطيبه عنـده اوفـود
ملفى لمن حسه من الوقت كربات=زبون من ينصاه وهمومـه اورود
من جاه ياجد وقفته كل الاوقـات=يشتال حمله لو وقف دونه احشود
ولاهوب راجي من وراها جمالات=يبذل لمن ينصاه نخوه ومجهـود
ويدراء خويه لو حصل فيه خلات=يوصد على الحساد وقلوبها السود
نسل الرجال اللي تروم الطويـلات=لاجاء نهاراً فيه شاهد ومشهـود
افعال جده خير توثيـق واثبـات=ولا خير في فعل بلا اثبات مرصود
فراج نسل مزيد في فايتـن فـات=فعله مع الروسان بثبـات معـدود
من لابتن تروالسيوف الشطيـرات=خصيمهم يمسى على الكبد ملهود
الاد قثام ان حصل بـه مـراوات=اللي لهم في ذروة المجد عنقـود
افعالهـم تذكـر نهـار المثـارات=عدوهم عن حلو الاحلام مطـرود
من روس برقاء ماعقدت احتمالات=ماش احتمالاً دام ابه عد وجـدود
وسلامتكم