قبائل زهران.. نسب وديار وتاريخ..!!!

[نمر زهران]

مشكووووووووووووووووووور اخوي

الرائع في الموضوع هو الردود السنعة التي تدل على صفاء القلوب

والله يديم المحبة بيينا ويجمعنا في جنات النعيم

وعلى فكرة انا ما اعرف زهراني الا واخوياة عتبان والعكس

والذيب ما يخاوي الاذيابة ,,,

[أبوضاري]

ونعم القبيلة زهران


يعطيك العافيه أخوي ابومرحبا

[دوسي زهراني]

لاهنتم وماعليكم زود ياعيال الحمايل ..

[سويلم المرشدي]

ونعم فيكم يا زهران يا أخواننا في حلف شبابه

انتم وافين وتاريخكم مشرف.

[طرقي شبابه]

قمة الخبث وجدتها بمشاركة ابو العبادلة حينما ارد الزج بقبيلة زهران وعتيبة والخلط بينهما بادعاء النسب مابينهما فزهران وعتيبة حلف ولاتجد زهراني الا لديه اخو من عتيبة ووفر معلوماتك المضروبه لنفسك حق من ربطك في سفل الديره عدنا عشان تعرف ان الله حق

قال الشاعر

حِنّا بني زهران في رأس ضفة

ـــــــــــــــــــــــــــــــ و إلا بغينا ساحل البحر منـــا

تلقى لنا من بين الأشراف عفة

ـــــــــــــــــــــــــــــــ متى يكون الموت للمجد كنّــا

سيلٌ ليا حلق المعادين جفة

ـــــــــــــــــــــــــــــــ و نهلّبه برقٌ من المزن حَنّــــا

هذي بني زهران للمجد صفة

ــــــــــــــــــــــــــــــ يا مابمهم راعي المواويل غنّـا

لازم نقول لصاحب الدين وفه

ــــــــــــــــــــــــــــــ ما أصابنا للحق شكه و ظنـــا

خذ في نيويورك المسماة لفة

ــــــــــــــــــــــــــــــ تلقاء فعايلنا و تلقاء عجنّــــا

نكسر قرون إبليس كسر المخفة

ــــــــــــــــــــــــــــــ وتروح منا الروح حشمة وطنـّا

حفنة تراب الأرض للصدر شفة

ــــــــــــــــــــــــــــــ يا سعد من بارك ثراها وهنّـا

يقبل عليها العز و الخير زفة

ــــــــــــــــــــــــــــــ و ترد من سودان الأيام عنّـــا

يا من شعلت شعيل ولع وطفة

ـــــــــــــــــــــــــــــ ترى بريق النصر حنا ضمنّـــــا

يا شاعر الأمجاد للأزد قفة

ـــــــــــــــــــــــــــــ يا من بيوته للأجـاويد بنّــــــا

أكتب بيوت العز و الهرج صفة

ـــــــــــــــــــــــــــــ يروى بها العاذل وقلبه معنّـا

منا سمي المجد يقر أ بكفة

ـــــــــــــــــــــــــــــ يصبح علينا حظ و نصير حِِنّــا










ومهما قلنا فيها نبقا مقصرين ولكم اطيب الامنيات


واشكر جزيل الشكر اخوننا في قبيلة عتيبة العريقه علي تسليط الضوء علي قبيلة زهران وحلفنا قايم معكم الي يوم الدين ونفتخر باخوننا العتبان.

تحيتي للجميع

آخر تعديل طرقي شبابه يوم 20-Sep-2009 في 07:20 PM.

[حمد الدغيلبي]

والله نعم ومليون نعم

[ابو ضيف الله]

ابو مرحبا بيض الله وجهك على الموضوع الرائع
واعجبني ذكر قرى الفخوذ واسماء شيوخهم
ودايم الزهراني اذا سئلته يقرب لك فلان؟
قال ما يقرب لي بس من قريتنا
مدري ليش ما يقول من الجماعة

وزين انا عرفنا ان الاخ فهد الزهراني من دوس
ودوس غنيه عن التعريف وهم قوم مباركين ومعروفين
بالعلم الديني والدنيوي وماسكين مناصب مار اللي
يحتاج واسطه يراسل فهد الزهراني على الخاص
وهو ان شاء الله ماهو مقصر


و زهران والله وسبعين نعم فيها في اول وتالى
ويا طيب حظنا يوم اجتمعنا بهم في شبابه وانا
من اقرب اصدقائي وهو اخي الذي لم تلده امي
زهراني من بني عدوان, ويا صدق ما قال عبد الواحد يوم قال:

زهران يوم الحكم تحت القنـا والحـراب =تقضي بخمسين في خمسة من أرجالهـا
زهران عطر الحديث اللي رواه الصحاب =من سيرة المصطفـى مثبوتـة أقوالهـا
زهران لمع السيوف مذهبـات النصـاب =ما زال بخـروش يتكـرر فـي أجيالهـا
بيارق ابن الرقوش الناقميـن الغضـاب =تخبرك الأتراك عن زهـران وأبطالهـا

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[طرقي شبابه]

الاخ العزيز ابوضيف الله

بيض الله وجهك علي تعليقك وانتم اهل وفاء واهل كرم وشجاعه علي مر التاريخ ولايستغرب ذلك
من اهله


خاتمة لشاعر رعد زهران

اهديها الي المدعو ابن العبادي

خسران يامن في الخفاء توزن الكيل=زهـران لاقالـوا عزمنـا وقفـنـا
كم واحدٌ مثلـك لنـا جـره السيـل=ضاعت علومه وأنبلش فـي نشبنـا
أهل الرجوله والكرم وماطر الهيـل=شيـوخ ديرتنـا وويـن ماحللـنـا
أصفاء من المعدن وأصعب من الويل=شيمه ومروه ونخـوةٌ مـن مهدنـا
ولاالمدح واصل الى نجمة أسهيـل=مغزول لاقالوا تزيـد مـن فخرنـا
من ذا يبارينـا تقطـع بـه الحيـل=أسود فـي وجـه وروحـه زهقنـا
وأن مالـت الدنـيـا بـنـا مـيـل=رصاصنـا غطـى سهلنـا وجبلنـا
وخصمنا يغدي نهـاره كمـا الليـل=اويل مـن ينصـب فوقـه غضبنـا
منا الصحابي والملك وعسافة الخيل=حتى الشعر زهران مضرب مثلنـا
قادة جيوش الحق شلنا اللـوا شيـل=دسنا عروشُ تحـت واطـي قدمنـا

تحيتي للجميع

آخر تعديل طرقي شبابه يوم 22-Sep-2009 في 01:43 AM.

[البريماني]

والله ومليون ونعم في زهران الأزديه

[نمر زهران]

يالربع ... وش يبي ابو العبادل بالضبط منا بدارين ؟

الرجال يبي يثبت ان العمريين قبيلة مستقلة لحالهم !!!

طيب يا خوي قبل لاتقنع الناس رح اقنع ربعك واقنع شيخكم( بن موالا)

وعلى فكرة .... ترى شيخكم ابن موالا ..تم تكريمة في حفل تواصل زهران بقاعة الرشيد بمكة

هذي السنة من ضمن اباء ومشايخ القبيلة المكرمين ...

يعني انت لك راي وشيخ القبلة وجماعتك لهم راي ؟؟؟


الله يهداك بس وخل عنك المهايط الفاضي وخلك مع العلوم اللي تدسم الشارب,,,


تحياتي ...