ركوبه على عيسه

[زيد الرايز]

	تخيّل على دنياي مـن يـوم راح غيـوم = حبيـبٍ لشوفـه رفّ جفنـي مراميسـه شفوقٍ على أخباره ولا فيه عنـه علـوم = بعيـد المنـال ومستحيلـه مراويـسـه تجاذبنـي العبـرات يالله فـي المقسـوم = حيـاة الهنـاء قربـه وتسعـد موانيسـه أكامد على ذكراه جرح الهـوى المسمـوم = إليا هـبّ ذعذاعـه وفاحـت نسانيسـه تعذبت مـن فرقـاه لـو مالهـا ملـزوم = عسى الله يردّه لي ويخـزي لـه بليسـه رحيله وبعده حط وسط الضميـر وهـوم = تحسّر بهـا قلبـي وكثـرت وساويسـه تجيني به الأحلام والطيـف عنـد النـوم = سرق جفن عيني ومضةٍ مـن غطاليسـه فيا ليت ذاك السور والحاجـز المـردوم = يهده ويبهـج خاطـري عـن عواكيسـه وألا يا طيور الشوق لا تدرجيـن الحـوم = ترى الفكر قامت تفتلـك بـه هواجيسـه سؤالي لزوم أنـه يجـاوب عليـه اليـوم = وبعده على كيفه ركوبـه علـى عيسـه هل أبقى بتالي العمر من شوفته محـروم؟ = أسامر حروف<ن> دونت في قراطيسـه أو يصير لي ذكرى وصورة بوسط ألبوم؟ = إليا خلتها هاضـت شجونـي موانيسـه