قصيده تنشر لأول مره لأحد شعراء عتيبه

[محمد الكبير]

بســـــــــــــــــــم الله الرحمن الرحيم

السلام عليكم ورحمة الله وبركاته

حبيت اعرض عليكم قصيده لشاعر الكبير سند العازمي ويعتبر من شعراء عتيبه الذين لم تنتشر

ولم تشتهر قصائدهم لعدة أسباب .

ومناسبة هذه القصيده بأنه اتى الى سعد بن نايف بن عون ولم يسلم عليه بن عون رغم بينهم
معرفه قديمه وذلك لأن سند قد تغير عليه . وبعد ايام زاره بن عون على ان شاعرنا اجنبي ليس من عتيبه
لسوم بعض الخرفان فبادره بهذه القصيده وهي اطول من ذلك

وتعتبر هذه القصيده اول مشاركه لي واتمنى تحوز على اعجابكم.

يامرحبا بمسير(ن) جاني اليوم = يامرحبا به من هله لين جاني
تقهوا زال انك على الزل محشوم = ان كان حر ومن خيار المجاني
نبي نسوي ياولد عون مرسوم = دله وهرفي من عيال المجاني
اعصارها واقف عسى ابوك مرحوم = المشتري عيال ضانك وضاني
اكباشنا ماهيب للبيع والسوم = نبي نخلي روسها ديدحاني
وانا من الروقه لا جاتك علوم = من خوف غرات العرب وتغواني
شبابنا عاداتهم تذبح الكوم = وشيوخنا تذبح كبار المثاني