اقرب شويعر

[مهدي]

السلام عليكم ورحمة الله وبركاته
اما بعد هذه اول مشاركه في المنتدى وسامحونا على القصور :
سلام ياهل الطيب والوقفات من عصر الجدود @@@ بسم الرجال متعبين الخيل في مركاضها .
ودي بفارس يحتمي الميقاف لاهاب الشرود @@@ لامًن فتلنا ابياتنا عوًد يجيب انقاضها .

[أبو فيصل الدلبحي]

يامرحبا عد النفل وعداد ماترعد رعود=في حلت اللي ياردون الموت داخل حاضها
هات العلوم اللي على فكر المرحب ماتكود=واحذر تجيب اللي تلم الناس عند اغراضها

[ذيب الحصيني]

ابو فيصل ماانتبهت لردك

وكفاااء ووفاااء ياذيبان

كمل يارفيقي وانااا في صفك

[أبو فيصل الدلبحي]

الامير صح لسانك يابعدي

وانا وانت واحد يامال العافيه

والصف يزهابك

[مهدي]

لك البقاء وعز الله اني معجب بزين الردود @@@ يالجندي اللي يكسب المعارك لامن خاضها .
قالو ابو زيد الهلالي تالي الوقت بيعود @@@ وقد قالو لنا ان بقعاء حطته في حياضها ,

[مهدي]

الله لايهينكم جميع واللعب معكم شرف لي الله يطول عماركم

[عبد الرحمن الفرهود]

المشاركة الأصلية كتبت بواسطة أبو فيصل الدلبحي

يامرحبا عد النفل وعداد ماترعد رعود=في حلت اللي ياردون الموت داخل حاضها
هات العلوم اللي على فكر المرحب ماتكود=واحذر تجيب اللي تلم الناس عند اغراضها

صح السانك ابوفيصل تقبّل متابعتي وقوّاكم الله انت وقبيلك

[أبو فيصل الدلبحي]

جدنا وجاد الله على هجسن بميقافي يجود=كم لحيتن في شدت الميقاف صوته غاضها
لاكن ياكبد الخوي اللي تعاني من لهود=لو تلتفت للبرد ما برد عليها قاضها

[أبو فيصل الدلبحي]

بارود حياك الله

ومتابعتك شرف طال عمرك

[محمد الحمادي]

الله مبدعيين شعّارنا



متابعينكم بـ شغف