باروود
ياسلام الله على اهل الوفا من كل ديره = ردة فيها المعاني رفيع مستواها
من يلا عبني عسى فالامر خير وخيره = من يقود السالفه لين تاصل منتهاها
رفيع المنزل
مرحبا ترحيب يقدح مثل نار السعيره = والمثل قد قال رجل ٍ يدورها لقاها
ودي اخبرك العلوم الطويلة والقصيرة = مار اخاف انك تجي دونها مانته وراها
باروود
ليت ترحيب بدالي تعوضني بغيره = لا تعجّل ياصحيبي على دورة رحاها
سلمنا من يبتدي مايعرقل في مسيره = لاتجفّل ناقتك من خلاها في خلاها
رفيع المنزل
مرحبا ترحيب ينطحك في ريحة عبيره = لاجل ترضى فيه نفسك ولايطلع خفاها
اثر ابوزيد الهلالي معه نفس ٍ كبيره =مار من يبسط لنا الكف يبشر في ملاها
باروود
تو هاجوسي على الكيف جا يشعب بعيره = والنفوس الطيّبه حقق الله مبتغاها
انت منته جاهل الحر الاشقر من مطيره = وكل نفس ابماتسوّي تبا تلقا جزاها
رفيع المنزل
الشعوب اللي لها شيخ لازم تستشيره = دامه ليا قام فاللازمه سد وكفاها
مالقينا له مخاشر ولاعيــّـن وزيره = لو يروح تشوف دار العرب كل ٍ غزاها
باروود
صاحبك له سبعة اشهور في هم وحيره = والعلل متشابهه بيننا نبغى دواها
كلٍ ابرمزه مسرجله اخيول مغيره = ليه مانظهر على الناس بوجيه تباها
رفيع المنزل
يامعسر فالدعاوي وهي ماهي عسيره = للبيوت اسوار وانته تذرى في ذراها
العمى مايبصر الشمس في عز الظهيره = كيف الوم عيونه اللي مخـّــربها عماها
باروود
علمكم في تالي الوقت مجهول مصيره = بس انا صبرك عليّه وابكشفلك غطاها
وانت لاترتاع كان الحنش تسمع صفيره = ياوسيع العرف من كتب له خطوه مشاها
« آخـــر الـــمـــشـــاركــــات »
04-Aug-2009, 02:33 AM
العرض المتطور
