ياسلام الله على الوفا من كل ديره = ردة فيها المعاني رفيع مستواها
من يلا عبني عسى فالامر خير وخيره = من يقود السالفه لين تاصل منتهاها

مرحبا ترحيب يقدح مثل نار السعيره = والمثل قد قال رجل ٍ يدورها لقاها
ودي اخبرك العلوم الطويلة والقصيرة = مار اخاف انك تجي دونها مانته وراها

ليت ترحيب بدالي تعوضني بغيره = لا تعجّل ياصحيبي على دورة رحاها
سلمنا من يبتدي مايعرقل في مسيره = لاتجفّل ناقتك من خلاها في خلاها

المشاركة الأصلية كتبت بواسطة راع الجدعا ابن وايل (المشاركة 897057) باروود رفيع المنزل صحت السنتكم والصف صف رفيع المنزل ولاهان بارود

مرحبا ترحيب ينطحك في ريحة عبيره = لاجل ترضى فيه نفسك ولايطلع خفاها
اثر ابوزيد الهلالي معه نفس ٍ كبيره =مار من يبسط لنا الكف يبشر في ملاها

تو هاجوسي على الكيف جا يشعب بعيره = والنفوس الطيّبه حقق الله مبتغاها
انت منته جاهل الحر الاشقر من مطيره = وكل نفس ابماتسوّي تبا تلقا جزاها

الشعوب اللي لها شيخ لازم تستشيره = دامه ليا قام فاللازمه سد وكفاها
مالقينا له مخاشر ولاعيــّـن وزيره = لو يروح تشوف دار العرب كل ٍ غزاها

صاحبك له سبعة اشهور في هم وحيره = والعلل متشابهه بيننا نبغى دواها
كلٍ ابرمزه مسرجله اخيول مغيره = ليه مانظهر على الناس بوجيه تباها

يامعسر فالدعاوي وهي ماهي عسيره = للبيوت اسوار وانته تذرى في ذراها
العمى مايبصر الشمس في عز الظهيره = كيف الوم عيونه اللي مخـّــربها عماها