علي فلاح العضياني =
على الله إتّكلنـا و استعنّـا بالله المعبـود=إلهٍ ما لنا فالكون كلّه ... ربّ مـن دونـه
يا سلطان الله أعلم وش تخفّيه الليال السود=عليك الوقت يا سلطان قام يحـدّد سنونـه
سلطان بن دحيم =
توكلنا على الله يالرفيق اللـي تحـب الـزود=والك وزعه مع اهل العرف والشعار مضمونه
ما ندري عن غثاء بقعاء ولكن سيفي المحدود=لا لله ثم للاه اصبحت لقمـة نـاس مجنونـه
علي فلاح العضياني =
ما دام ان كبتن عتيبـه هنيّـا حاضـر و موجـود=ترى العتبـان لـو تـروح ماهـي فيـك مغبونـه
ليا أطغاك الامل وقت العمل ,,, ( يوم ) الاجل محدود=لكم يا اهـل الـدروب العـوج يـومٍ مـا تعدّونـه
سلطان بن دحيم =
اقول الرأس عزه من متونه والكريم يجـود=وترا العتبان راع العرف عادتهـم يعزونـه
الا يا بن فلاح اركد شوي وحدد المقصـود=ترا ماني براعي هرجة(ن) ما هيب مصيونه
علي فلاح العضياني =
ترى الضحك الصناعي ما يفلّ حجاجك المعقود=فطينين القلوب تحـدّد الخايـن مـن عيونـه
ليا منّك جهلت العلم روح إنشد سعد و سعـود=أثر سلطان يا اهل المعرفه جاهـل بكرتونـه
سلطان بن دحيم =
الا يا صاحبي صاحبك ما يقرب من المنقـود=يا قشر اللي يظن بسو ثـم يصـدق ظنونـه
اذا به لوم يغشى اللي مشاء مير ريعه المسدود=ترا العلم المشوبهه ما اعرف شكله ولا لونـه
علي فلاح العضياني =
تقولون الفداوي لو تغيّب للديـار يعـود=و حنا ما نصدّق فالكلام اللـي تقولونـه
انا ما أقول فيك خلاف ياللي تبذل المجهود=و كمّ من واحدٍ ودّه و لكن عرفه يخونـه
ابو فلالالاح
وابن دحيم
مصادر الابداااع
والشعر الجزل
صحت السنتكم
ملايين.