الشاعر عبدالله بن غاازي الميزاني<سوار الذهب> والشاعر عبدالعزيز العازمي

[صاهود]

المشاركة الأصلية كتبت بواسطة المرقاااب

--------------------------------------------------------------------------------

هذا محاورة جرت بين الشاعر عبدالعزيز العازمي والشاعر العملاق سوار الذهب


عبدالعزيز العازمي

ياليل ياليل السعد عسى نجومك ماتغيب ***** والحظ يجري والليال المقبلات أقفى لها
الجرح مايبرى ياعبدالله ليا غاب الطبيب ***** وإليا حضر ما إحتالت الدنيا وهذا حالها

سوار الذهب

ياليل ياليل السعد للعارض اللي مايشيب ***** كيف أربعة شالوا جمل بس الجمل ماشالها
ياخاطر الوجدان والإحساس والصمت الرهيب ***** وش حالة الخنجر ليا خضّت نحر نقّالها

عبدالعزيز العازمي

أنت صحيبي والصحابة ويش قالوا في الصحيب ***** محد(ن) مجهز له حمول إلا يعرف جمالها
البندق اللي مالها نيشان لايمكن تصيب ***** واللي يشد عمامته يثبت عليها عقالها

سوار الذهب

الوسم بيّن في جمال الضلع وجمال الشعيب ***** بعض العرب معهم عرب وأدناة ماوحّى لها
حرب البسوس أسبابها جساس في مقتل كليب ***** ماكل ليلة يسري الطرقي بنور هلالها

عبدالعزيز العازمي

الظن فيكم مايخيب وفي عتيبة مايخيب ***** آهب يابعض الجمال اللي تغر أشكالها
جساس لايرقد مدام الزير مع دربه طليب ***** ما كل دلة يالمطيري ينشرب فنجالها

سوار الذهب

في ماتقول أهم شيء أن الغريب يكون أديب ***** واليا وردت البير هات الدلو قبل حبالها
يالعازمي ماكل سوق فيه دخان وركيب ***** وإن كان تقدر شدّد البدوان من منزالها

عبدالعزيز العازمي

أهم الشيء أن الغضب يطلع من الوجه الغضيب ***** الله يبارك في البنوك اللي عطتك أموالها
البدو دايم بدو نعرف زادها سمن وحليب ***** مدري أن نقول أحسن لها ولا نقول أشوى لها

سوار الذهب

أرض الكنانة في المناخ أحوال وهلال خصيب ***** والكيل بالمكيال والحسنة بعشر أمثالها
الحنشل اللي ماتطيح إلا على عقل العزيب ***** أمانة قفى موصّيها وما تكّا لها

منقوووووووول\

اقتيست المحاوره كلها لانها جميله من الطرفين

ولو ان خبرة عبدالله واضحه فالمحاوره

وانا اعتقد ان يسر الله الامور راح يطلع العازمي وبصير اسم بين الشعراء خلال اربع سنوات قادمه

وهذا دليل ان عبدالله شاعر معنا ماهو مثل ماتفضلوا بعض الاخوان

مشكور يامرقاب علي النقل الرائع

ولاهنت