قصيده بعنوان / هــــيــــلاوي صـــمـــــيــــــم

[عبدالله بن نور الأسعدي]

بسم الله الرحمن الرحيم ...


هذه القصيده جديده وأهديها لكم ياعزوتي ...

وأتمنى أن ترتقي لأذواقكم الراقيه ...

وأنتم تستاهلون أكبر من القصيد ...

وأعذروني إن حصل قصور ...

القصيده أقول فيها :

قالوا تشجع قلت آشجع منتخب ماقد خسر=طول عمره فايز ورافع كؤوس الإنتصار
قالوا وشهو منتخبك المانيا والا مصر=قلت اعقبوا ماهو أنا اللي يتبع لأيا شعار
لي منتخب آشجعه ونا من أيام الصغر=ما أنسب لغير وسمي لو بعد الإحتضار
أنا أشجع لابتي شرابة الدم الحمر=إيه هيلاوي صميم آقولها الكم باختصار
فوزهم بالسيف ابو حدين ماهو بالكِوَر=في ميادين الوغا ماهو في ملعب به خضار
أخصامهم في وقتها مايكسبون الا صفر=اللي يواجههم يريد التهلكه والإنتحار
إيه آشجع من بقولة نعم بفعاله ظفر=كل إصبع يم ربعي بإختيار النعم آشار
تشهد بشاشتنا في وجه الضيف لامنه حضر=ودلال ماتفضي ولاتاقف وباللحظه تدار
قهوتهم تحلى بأحدث نوع من أجود تمر=والعود الازرق فالجمر منهم يطيب وطيب صار
ويشهد لهم أكبر صحن ومعرّفه أكبر قدر=ويختّم السنام قولي بعد توقيع الفقار
خويهم يفخر بهم عند البشر طول العمر=لامن مشى معهم سبع خطوات في نفس المسار
خويهم ودخيلهم والجار محدن قد سهر=من ظلم والا جوع والا ينتدوّر فيه ثار
وليا نِخِي الرجّال يفزع إن قدر ون ماقدر=يقضي لزوم اللي انتخى من عند أصحاب القرار
لوّي نظمت معلقه في لابتي تصبح شطر=والله ان القاف شايب منهم وجاله وقار
ولو أعاين بالتلسكوب المقرّب للنظر=مايقربلي فلك مقامهم ولا المدار
أصغر الأفعال لن قلته يقف منه الشعر=ويهد له أكبر جبل ويزلزل اعماق البحار
أصحابهم تفرح بهم وتشوفهم مثل المطر=وعدوهم لاشافهم كنه يشلهط فوق نار
والنعم في كل القبايل كلن بفعله شهر=كلها وسط الجزيره تنذكر ضمن الخيار
ما أحتقرهم قالوا العرّاف يحقر من حقر=بس شاعر وآفتخر وابسط حقوقي الإفتخار
هم محزمي هم عزوتي هم مسندي هم الظهر=هم فزعتي من بعد ربي كان في الوقت جار
ماش فرقن بينهم فالبدو والا فالحضر=ماتغيرهم ثقافة غرب بالأفكار آغار
أبواننا واجدادنا نمشي وراهم بالجرر=مانحوص بدربهم يمنه ولا حصنا يسار
ربعي كباتن فالمراجل والعلوم اللي تسر=ماهم كباتن في لساتك أصلها جلد الحمار
يكرم السامع وقاريها وتكرم يالشعر=مير قول الصدق لازم ينسمع مني جهار
حنا بعصر الكوره وتشجيعها أمحق عصر=شفت بعض الربع يتبعها ولو تندار دار
وشفت باسباب الكِوَر صاير مابين الناس شر=حنا جبال ولن تبعنا الكوره نظلي غبار
هذي وصية أسعدي وتدق ناقوس الخطر=لاتفرقنا الكِوَر ويسجل التاريخ عار
لا هلال ولا نصر حتى الخضََر ماهو فخر=دام راية ديننا طاحت وتشكي الإنكسار

وسلامة الجميع ...

[@ـايل]

كفو كفو ..ياعبدالله ..

صح لسانك واعتلى شانك ..

والله يعطيك العافيه ..

....

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

[فايز بن سرحان الثبيتي]

أخصامهم فـي وقتهـا مايكسبـون الا صفـر
اللـي يواجههـم يريـد التهلكـه والإنتحـار



صح لسانك صح لسانك ....

...

شاعرنا عبدالله الاسعدي وافي ولا يجي منك الا والوفا

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[محمد العتيبي]

كفو كفو كفو .. وحنا نفتخر بك ياعبدالله

صح لسااانك مدد بلا عدد

على هذه الرائعه ..

تحيتي
...

التوقيع

للتواصل عبر twitter تويتر al_bargawy@

[طلال ناشي]

خويهم يفخر بهم عنـد البشـر طـول العمـر = لامن مشى معهم سبع خطوات في نفس المسار
خويهم ودخيلهم والجـار محـدن قـد سهـر = من ظلم والا جـوع والا ينتـدوّر فيـه ثـار

صح ألسانك ياعبدالله



كفيت ووفيت


تقبل تحيااااااااتي ومروري

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com

[عمرالروقي]

صح ألسانك ياعبدالله



كفيت ووفيت


تقبل تحيااااااااتي ومروري

[محمد بن غازي]

صح لسانك

ياعبدالله ... وننتظر جديدك يالغالي

[فهد النفيعي]

لا هلال ولا نصر حتى الخضََـر ماهـو فخـر
دام راية ديننـا طاحـت وتشكـي الإنكسـار
الله ينصر الاسلام والمسلمين

وصح لسانك ياكحيلان

[عبدالله بن نور الأسعدي]

المشاركة الأصلية كتبت بواسطة هايل العتيبـــي

كفو كفو ..ياعبدالله ..

صح لسانك واعتلى شانك ..

والله يعطيك العافيه ..

....

ماعليك زود طال عمرك ...

وصح الله بدنك يالغالي ...

سررت وتشرفت كثيرا

بمرورك الممطر على صحراء

متصفحي ... تحياتي المبجله لك

[عبدالله بن نور الأسعدي]

هلا والله وغلا بمشرفنا القدير / ابن سرحان الثبيتي

وصح الله بدنك يالغالي ... وأنت منبع الوفاء طال عمرك

تشرفت كثيرا بمرورك الممطر على صحراء متصفحي

حياك الله ... ولك مني أبجل التحايا وأطيبها