قصة فاجر بن شليويح العطاوي مع الملك عبدالعزيز والاخوان - الهيـــــــــــــلا *** منتدى قبيلة عتيبة

الـ عـ طـ ا و ي · 06-Jul-2009, 12:24 AM

في احد الايام امر الملك عبدالعزيز باقامة مهرجان شعبي وعرضه على ظهور الحيل في البطحاء

بالرياض ودعي في ذلك اليوم الاعيان و رؤساء الاخوان وامراء قبيلة عتيبه وغيرهم من امراء القبائل

الاخرى ,, وعند حضور الجميع للمهرجان اقترح رؤساء الاخوان على الملك عبدالعزيز ان لايعرض اي رجل

في المهرجان الا بعزوة انا صبي التوحيد انا اخو من طاع الله .. وعندما وصل دور عرضة فاجر بن شليويح

عرض واعتزى بقوله: خيال العليا فاجر خيال العليا وانا ولد شليويح .. وعندما سمع الاخوان عزوة فاجر

قاموا وقالوا بالفم الواحد : قطع قطع قطع بهالعزوه .. ( الاخوان كانوا متشددين في الدين ويرون ان هذا

خروج عن الحكم)

فانتهض الملك عبدالعزيز واقفا ولوح بيده اليمنى يمينا ويسار وهو يقول: والله وسبعين نعم ,, والله وسبعين

نعم ,, والله وسبعين نعم ,, هذا فاجر بن شليويح يالاخوان سبعاً من سباع نجد واسمه مايعذربه ولا يعيبه

ثم رجع الملك عبدالعزيز وجلس فقاموا رؤساء الاخوان ووقفوا امام الملك عبدالعزيز وقالوا ياعبدالعزيز

لازم تغير اسم فاجر .. فتبسم الملك عبد العزيز بحكمته المعهوده ثم التفت الى فاجر وقال له ضاحكا

وش رايك يافاجر نبي نغير اسمك .. ابي اسميك عبدالعزيز ولا بسميك عبدالله ولا بسميك محمد

فاجاب فاجر الملك عبدالعزيز قائلاً: لا والله ياعبدالعزيز مايتغير اسمي ووالله مايغير اسمي الا من يغير

راسي عن رقبتي وانا اطلب منك ياعبدالعزيز تخليني انا والاخوان على مايسر الله...

فالتفت الملك عبد العزيز وقال يالاخوان وانت يافاجر اتركوا لي الموضوع هذا بعدين فانفضت الجلسه

على ماقاله الملك عبدالعزيز .. وفي اليوم الثاني جاء فاجر للملك عبدالعزيز وودعه ذاهبا الى اهله ولم

يبحث الملك عبدالعزيز الموضوع معه لانه مقتنع باسم فاجر وكان يكن له كل محبه وتقدير (هذه القصه وقعت بعد كون المجمعه)

آخر تعديل الـ عـ طـ ا و ي يوم 06-Jul-2009 في 12:28 AM.

محمد العتيبي · 06-Jul-2009, 12:32 AM

بيض الله وجهك يالعطاوي

على هذا الموضوع الرائع ..

تحيتي
...

التوقيع

للتواصل عبر twitter تويتر

al_bargawy@

الـ عـ طـ ا و ي · 06-Jul-2009, 12:50 AM

ووجهك ابيض اخوي هايل ولاهنت على المرور والتعليق

الامير حريبيش · 06-Jul-2009, 11:17 AM

ونعم بفاجر يشهد له فعله

عبدالله هادي ناشي الفليت. · 06-Jul-2009, 01:46 PM

مشكووور يالعطاااااوي

زودنا من قصص فاااجر..!!

غيمار العطاوي · 11-Jul-2009, 01:28 PM

الله يرحم ابو مشعان ويرحم الملك عبدالعزيز وليت تزودنا بمعارك

فاجر مع الملك عبدالعزيز اثناء توحيد المملكه ..

حمد العطاوي · 14-Jul-2009, 10:13 AM

والله ونعم بفااجر

والله اعجبني يومنه يـ:][ لا والله ياعبدالعزيز مايتغير اسمي ووالله مايغير اسمي الا من يغير

راسي عن رقبتي وانا اطلب منك ياعبدالعزيز تخليني انا والاخوان على مايسر الله][

جزااءك الله خير وبيض الله وجهك

ننتظر جديدك

تقبل مروري

مفكر · 26-Jul-2009, 01:39 AM

قصة جميلة وفاجر نسمع بسوالفه لكن للاسف مانعرف عنه شي

وللتوضيح

المقصود بالاخوان هنا هم اخوان من طاع الله هذا الاسم الي اشتهروا فيه وليس لهم علاقه بحركة الاخوان المسلمين الي اسسها حسن البنا في مصر مطلع العشرينيات الميلاديه على ما اعتقد

شكرا لك