المقارنه بين اسلوبين

[ابوطلال1]

السلام عليكم ورحمة الله وبركاته اخواني اود ان اخذ رايكم في قصيدتين اومنهجين ارجو ممن يقرا ان

يعطيني رايه ابتل مع الاسلوب الاول او اتجه للطريق الاخيره

القصيده الاولى قلتها قبل عدت سنوات وهي تقول

ياحمود مالي بكتب المدرسه حاجه=سود الليالي عطني درساً اكفاني
معاد لي رغبتاً بالصف وزعاجه=قلبي عطاله طريق ومنهجاً ثاني
قلبي مع البل وحب البدو منهاجه=حباً ورثته من ابواني وجداني
مشين بها مع فيافي نجد وفجاجه=اخير من منتزه لندن ولبناني
لاجالها مع ترفعت الضحى دلاجه=على فياضن سقتها غر الامزاني
يلقابها من تضايق فلت حجاجه=معها الصدر ينشرح وتغيب الاحزاني
شوف المجاهيم طب القلب وعلاجه=هي رغبتي في حياتي والعمر فاني

القصيدة الثانية

اثر الأماني لاصدمها واقع الحظ العنيد=ينزل طموحك للسهل لو كان من فوق السحاب
اقولها والتجربه منها نفيد ونستفيد=عايشتها قدام لشرع في قرار الانسحاب
عقد وعليه شوي من عمري ونا مالي رصيد=الا بقايا واقع(ن) شيب قبل سن الشباب
احرث صحاري حلمي المزمن وذهني مايحيد=عن صورتن في داخله عيا يغيبها الغياب
الذكريات حراب في صدري لها وقعن شديد=لاوالله اللى اعظم وشد مرار من وقع الحراب
جروحها في داخلي تنزف على اوراقي قصيد=ادله بها فتره وعود احيابها هم وعذاب
كم لي على باب الأمل اطرق بكف(ن) من حديد=والياس عازل صوت بين الباب وصحاب الجواب
طال انتظاري والسنين المجدبه قامت تزيد=مسكين ظميان الهواء معاد يلقاله شراب
والقيض صار اطول من المعتاد ذا شي(ن) اكيد=واكبر دليل ان العيون مهاجراً فيها السراب
إلى هنا يالهفت المشتاق يادم الوريد=حان الوداع اللي قبل ماكنت احسب له حساب
روحي وأملنا نلتقي بكره اليا ذاب الجليد=وان ما حصل ذلك عن الايام مرفوع العتاب

وسلامتكم

[فايز بن سرحان الثبيتي]

حياك الله ياابو طلال1 تم التنسيق ولي عودة لكتابة رأيي في القصيدة

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[فايز بن سرحان الثبيتي]

ياحمود مالي بكتب المدرسه حاجـه
سود الليالي عطني درسـاً اكفانـي
معاد لي رغبتاً بالصـف وزعاجـه
قلبي عطاله طريق ومنهجـاً ثانـي


صح لسانك على العفوية السامية والشعر الجزل






عقد وعليه شوي من عمري ونا مالي رصيـد
اللا بقايا واقع(ن) شيـب قبـل سـن الشبـاب
احرث صحاري حلمي المزمن وذهنـي مايحيـد
عن صورتن في داخلـه عيـا يغيبهـا الغيـاب
الذكريات حراب في صدري لها وقعـن شديـد
لاوالله اللى اعظم وشد مرار من وقع الحـراب
جروحها في داخلي تنزف على اوراقـي قصيـد
ادله بها فتـره وعـود احيابهـا هـم وعـذاب


عقد وعليه شوي من عمري وانا مالي رصيد

لابلله الا جزل يابو طلال


صح لسانك يامبدع




لا تحرمنا تواصلك فانت تستحق منا التحية والمتابعة

انت كتبت على بحرين مختلفين واجدت في كليهما

وفي رأيي انك تستطيع ان تكتب بجزاله في كل بحور الشعر

والقصيدة الثانية راقت لي كثيييرا ً تحيتي لك

[ابوطلال1]

بيض الله وجهك يابن سرحان والف شكر لك

[بندر المرشدي]

وانت سالم وغانم يابو طلال


القصائد كلها جزلة وانت شاعر مبدع


لكن دامك تطلب المشوره سوف اعطيك رأيي وهو يعبر فقط عن وجهة نظري البحته وقد يكون هناك


من الأخوان من يفيدك أكثر مني



بالنسبة للإسلوب الأول

هذا هو الاسلوب الدارج عند أكثر الشعراء وهو محبوب لمتذوق الشعر العادي ويهتم به

السواد الأعظم من جمهور الشعر.


الاسلوب الثاني

يحتوي على جرعات شعرية أكثر وهو ما يطالب به النقاد والأدباء كما انه ليس من السهل على كثير

من الشعراء إجادته.




ملاحظة فيه مواضيع حسب وجهة نظري لا يصلح ان تكتب عليها إلا بالاسلوب الأول مثل الرثاء والمدح

لأنها تتطلب الوضوح والمباشرة في كثير من الأحيان.





هذه وجهة نظري المتواضعة


وانت قد أجدت في الاسلوبين


وصح لسااااااانك على كل حال

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[عبدالله الاصعر]

ابوطلال شاعر جزل


وقصيدك جزل


انا ايد المنهج الاول


والمنهج الثاني طيب


تحياتي وتقديري

التوقيع

ربعي كما الحيد الطويل النايف=ارقاء براسه وانسدح في ضله ليا بنو بنيً على مقلطهم=يبنون بنيً ماحد(ن) يفله الشاعر/عبدالمعين الثعلي رحمه الله al-aser11@hotmail.com

[سعود العصيمي]

لاازيد عن ماتفضلت به

يابو سلطاااان

اوافقك الراي

ولك تحياتي.

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[ابوطلال1]

المشاركة الأصلية كتبت بواسطة بندر المرشدي

وانت سالم وغانم يابو طلال


القصائد كلها جزلة وانت شاعر مبدع


لكن دامك تطلب المشوره سوف اعطيك رأيي وهو يعبر فقط عن وجهة نظري البحته وقد يكون هناك


من الأخوان من يفيدك أكثر مني



بالنسبة للإسلوب الأول

هذا هو الاسلوب الدارج عند أكثر الشعراء وهو محبوب لمتذوق الشعر العادي ويهتم به

السواد الأعظم من جمهور الشعر.


الاسلوب الثاني

يحتوي على جرعات شعرية أكثر وهو ما يطالب به النقاد والأدباء كما انه ليس من السهل على كثير

من الشعراء إجادته.




ملاحظة فيه مواضيع حسب وجهة نظري لا يصلح ان تكتب عليها إلا بالاسلوب الأول مثل الرثاء والمدح

لأنها تتطلب الوضوح والمباشرة في كثير من الأحيان.





هذه وجهة نظري المتواضعة


وانت قد أجدت في الاسلوبين


وصح لسااااااانك على كل حال

ابوسلطان وجهة نظرك مهمه وذا كان السواد الأعظم يحبذون النهج الاول باعيد النظر فالثاني وشكراً مره ثانيه

[ابوطلال1]

المشاركة الأصلية كتبت بواسطة عبدالله الاصعر

ابوطلال شاعر جزل


وقصيدك جزل


انا ايد المنهج الاول


والمنهج الثاني طيب


تحياتي وتقديري

اخوي عبدالله ماعليك زود وشكراً على المرور

[ابو لمار]

ابو طلال

صح لسانك واعتلا شانك

انا لست ناقد فانا احتاج للنقد اكثرمنك
ولكن ساقول لك وجهة نظري المتواضعه

بالنسبه للاسلوب الاول
فهذا اسلوب السهل الممتنع ويجيده اغلب الشعراء
فهو حسب وجهة نظري يستخدم في الوضوح اي
المعاني الواضحه كقصائد المدح او الرثاء او الهجاء



اما الاسلوب الثاني
فهو بحر المبدعين ولايجيده كل الشعراء
وهو يستخدم للمعاني الغامضه والتشبيهات
والتصاوير الشعريه فهو بحر طويل ويستطيع
الشاعر المبدع ان يدخل فيه الجماليات الشعريه
من تشبيهات وتصويرات وغيرها



وبحق يابو طلال انت مبدع وجزل
وقد اجدت في الاسلوبين


صح لسانك ملايين




تحياااتي لك