ودنا في شاعر عتيبي نبي ناخذ علومه

[زبن الجعفري العنزي]

ياسلام الله سلام الشاعر اللي في لزومه= لاوقف ياقف مواقيف الزناتي والهلالي
ودنا في شاعر عتيبي نبي ناخذ علومه=وقفة ياطيبها بين التهامي والشمالي

[طائر الاشجان]

مرحبا بالشاعر الي يبهج الخاطر قدومه = في محل ٍ مايجيه إلا مطاليق الرجالي
العتيبي حاضر ٍ موجود ماضاعت قسومه = والتهامي في بلاده والشمالي ضيف غالي

آخر تعديل طائر الاشجان يوم 28-Jun-2009 في 09:14 PM.

[فهد العصيمي ss]

استلم
مر حبا بك ياعنزي والليله عتيبه خصومه /// كيتك ياصاحبي من فوق نار وفوق صالي
قدمك ابن شيوخ شاعر وافين دايم هجومه /// العريب الي معرب راس عم وراس خالي

[طائر الاشجان]

هههههه

ماجابك إلا الخير ياوجهه الخير


واصل مع الرجال كلكم كفوو


صحت اللسنتكم

والصف صفك ياولد العم
ولا يهون الوايلي

[فهد العصيمي ss]

طاير الاشجان ماشفت ردك الا بعد ماكتبت ردي والعذر والسموحه ومن سبق لبق خلك مع الوايلي وازهل الصفوف

[سعد حميد الثبيتي]

ابيض وجه ياطائر الاشجان ويافهد العصيمي كلكم كفو

[علي خيران العتيبي]

صحت السنتكم

طاير الاشجان

وييييييييييين هالغيبه الطويله الي غبتها ؟؟؟؟؟؟
افتقدت لمحاوراتك و انا دايما اتابعها
و تو ما نور المنتدى بوجودك

[طائر الاشجان]

فهد العصيمي

عزيز وغالي ياولد العم ,, ماني بخير منك مار دام خليتها لي عساني اجمل الرجال واجملكم

صح بدنك والصف يزاهبك يافهد


سعد حميد الثيتي

ووجهك ابيض لاهنت ولاشنت وصح بدنك يابو حميد



على خيران العتيبي


ههههههههههه

مرحبا يامرحبا ياهلا وغلا

مابعدنا على الوجيه الطيبه شرواك ومن يسمع غير ظروف العمل والاتصال الي في هالديره كل شوي
منقطع وانا غشيم في الانترلت مغير استفزع بالزملاء

عزالله الساعه المباركه الي شفتك فيها ياهلا وغلا



صح بدنك شرفت ونورت الصفحه يارجل

[مرداس]

راع الجدعا ابن وايل // طاير الاشجان



صحت السنتكم مبدعين






متابع للفايده

[زبن الجعفري العنزي]

البقا بالشاعر اللي مثل ربوعه وقومه= وابن وايل مثل الويلان حامين التوالي
يالعتيبي لا تسوي مع ولد عمك خصومه= لوتجون اثنينكم ياصحابنا ماضاق بالي