بسم الله الرحمن الرحيم
السلام عليكم ورحمة الله وبركاته
يقول عبيد بن علوش بن دليم بن براك ( رحمه الله ) أنه سأل جده دليم
وش أقشر مغازيك يا جدي؟
قال أقشر مغازي على حرب ، غزيت ومعي أهل ثلاثين كل جيشهم
من بنات وضيحان ( جمل البراك ).
ويوم قطعنا شعيب ابو كروش ( دون فيد في منطقة حائل ) وألا ونشوف
المغاتير بحد الموشم1 ويوم أقبلنا عليهن وهن يهجن ويزبنن هضبة حمراء
( ضلع ) وسمعنا راعيهن يقول أرج حلوه ، أرج حلوه ، .......
وأول ندب من راعيهن براس ذلولي ثمن جدع فلان وفلان ونوخنا والله
يا ولدي إن للعشب شواط بيننا
هو يرمي وحنا نرمي وخمسه من الرجال يحاولون يتعقبونه من غرب
وأربعه من شرق وهو يمد ها على الخمسة بالخمس اللي ببطنها ثمن
يمدها على الأربعة ولا يرجع منهم ولا واحد.
هالحين يا ولدي ذبح 11 من الرجال و9 من الركايب
فقلت يا ولد يا ولد أنا مدخلك على اللي مسلطك علينا انك تخلي تاليهم
لي قال منور أسمع يالله وتعاهدوا.
ثمن قلت يا ولد أسألك بالله اللي سلطك علينا من أنت
قال والذي سألتني به أنا منور السرباتي.
وسلامتكم ،،،،،،
« آخـــر الـــمـــشـــاركــــات »
22-Jun-2009, 03:22 PM
منور السرباتي وابن براك الرشيدي
العرض المتطور
