هذه القصيدة تحكي واقع كثير من الفتيا ت اللاتي انتهى بهنّ المصير في دار الملاحظة جراء الحب الزائف الوهمي مع الذئاب البشرية
صغتها على لسان حالهن
قصة فتاة
من عقب ماني غالية بين غالين = مابين عطف امي وابوي مغمـــوره
اصبحت في دارٍ تلاحظني العين = منبوذةٍ مذمـومةٍ ومحقــــــــــــوره
ابوي ما يبغى يجي ذكر طــارين = وامي من اسباب المصاب محسوره
خسرت كل اللي من اول مصافين = طاح الشرف والعرض وانهدّ سوره
تاخذني الحسرة على العرض والدين = اللي مضيّعتــه بليا مشــــــــــــــوره
غامرت في حب وحنان المحبين = فــي وسط غابات الهلاك ونموره
وابتزني من لايعرف الحيا ...ويــن = وحــشٍ نــزع مـن كــل قلبـه شعوره
واختــل في وجهي جميع الموازين = وفضيحتي بين الجميع مخبــــــــــوره
وشلون ابا ارفع للبشر نظرة العين = وش قولتي لاهل القلوب الغيـــــــــوره
لو اعتذر لوجيه كل الملاييــــــــــــن = مانيب من كل الوجـــــــيه معذوره
من كثر حزنٍ حلّ في وقتي الشين = كنــّه نزع قلب الشقا .... من جذوره
كم اكتويت من الاسى والامرّين = وكــم ليلةٍ فيها الدموع مهــموره
هذي نهايه ... في صداقات غاوين = هــــــذي نهايات الفساد وسفوره
نصيحتي ياللي على الدرب تمشين = درب الخطـــر لاتامني من شروره
يابنت توبي واعلنيها وهالحين = من قبل بركانـــه بوجهك يثوره
يابنت صوني زينة العرض تكفين = ما للشرف تعويض لا غــاب دوره
تقبلوا تحياتي
منصور الحبيل
« آخـــر الـــمـــشـــاركــــات »
18-Jun-2009, 10:04 PM
قصــة فتــاة |||||| قصيــدة مـؤثـره
العرض العادي
