ياسعود ماكل من يرمي يصيب الهدف

[%الصامل%]

%الصامل%

ياسعود ماكل من يرمي يصيب الهدف= الرمي في ساقة المقفي عيل ما يصيب

لا زمت الرميه الرامي نقول انكشف =لو علموا له على الشارة بخط وصليب

سعود العصيمي




انكان عندك هدف نرميه مامـن كلـف
والرمي في ساقة المقفي مالي به نصيب
يالصامل سعود مايأخذ علومـه سلـف
والذيب مايبلش لياواجه الذيـب ذيـب


%الصامل%


انصحك ياسعود هون لاعترضك الملف = كم واحد راح في اللفات ماله مجيب


ما يذبح الادمي غير الكبر والصلف = يفكر الشمس دائم في السما ماتغيب


سعود العصيمي


بعض النصايح تعب مامن وراها خلـف
وانكان ضايع ذهيبك ماغدالـي ذهيـب.
كم من بعير صعب واعسفه حتى انعسف
والطيب راعيه مانجزاه ياكـود طيـب.


%الصامل%

الي بنوا من قديم الوقت بيت الشرف = ماهمهم لو مشى معهم قريب وغريب

مانته بعاسف صعب ياسعود ريقك نشف = ضغطك وسكرك زايد روح شفلك طبيب

سعود العصيمي

بيت الشرف للرجال اللي سواتي تقف
فالماقف اللي مايقفه العضب ياعضيب.
بيّن لنا وجهك اللي متقي في سـدف
لاتختل الناس وانته متقي في عسيـب



%الصامل%

عرجون نخلتك خالي عود ماله سعف = وعروقها فوق سطح الارض خلك اديب

كلن نهار المواجه فارس ن محترف = اشوف نجمات كتفك باينه يا نقيب

سعود العصيمي
ارتاح في ظلها وانكف مع اللي نكـف
يامطوّعٍ كلمتك مايجهل ابهـا اللبيـب.
كلآ بوصفه يوصف وانت زين الوصف
وانا نجومي على كتفي واضد الحريب



%الصامل%

ياصدفة الخير هذي من خبار الصدف = صادفت فيها سعود محدر له شعيب

قلت اذنك وقال ذيك وقطها بالحلف = وانا ما صدق سعود ليا قرب للحليب

آخر تعديل %الصامل% يوم 10-Jun-2009 في 11:07 PM.