بندر المرشدي
حاكم طلع له صورةٍ بين قوسين=رايد فضاء لوّ الفضاء ما يمره
كنه مع اللجة يرف الجناحين=مار الحقيقة ما تغير مقره
حاكم الغنامي
حاكم تصدر فالصحف والعناوين=نجمٍ تعلى عن نجوم المجره
من حقنا لبس الرتب والنياشين=ورجلٍ يقول الحق لله دره
بندر المرشدي
ما أنت برقم (1) ولا رقمك (2)=لك موقعاً من بينهم ما نغره
والله ولوّ انك محرر فلسطين!!=يابن الحلال الهرج بعضه مضره
حاكم الغنامي
اسمي مسجل في جميع الدواوين =حتيش لو بندر يزيد ابه حره
يالعيص وش موزيك بين البراكين=من قدمك الحره ومن خلف حره
بندر المرشدي
انا ادري انك ياولد ما انت بدوين=مار الشهادة زور والا مبرة
بعض السوالف مثل طعن السكاكين=لو ينبسط حاكم ترا ما تسره
حاكم الغنامي
رح وانشد اهل الهند والسند والصين=ناسٍ تعد الحق ماهي تصره
حاكم غزى والكسب ( سيف ابو حدين)=يعطيه من خيره ويكفيه شره
بندر المرشدي
الحاشي المفرود بين البعارين=يقدر يميز قدرته من يمره
بالجعجعة نسمع ولا نحصل طحين=مثل ذكرته يوم ما شفت جره
حاكم الغنامي
ياذي عبيد اصحابنا والمهنين =اخذوا ببندر فرتينن وكره
دام الرساله واضحه بالعناوين=نبا نسيّر جنب فندق مسره
بندر المرشدي
انته طلعت من الطريق أبو سيدين=اعدل تواير موترك ثم تسره
اصبحت ياحاكم كما سهم تأمين=اللي دخلت به ما ربح فيه مرة
حاكم الغنامي
هادوك رده كاش ماعندنا دين =البحر غصنابه وجينا بدره
عقب انطفت نار الفتن والدخاخين=جانا حصان ابليس جمره يثره
« آخـــر الـــمـــشـــاركــــات »
10-Jun-2009, 10:43 AM
العرض المتطور
