عقاب العنزي
يامرحبا ترحيبة ٍ ترسي على سبع البحور = من طيبها تلغي تراحيب الجماعه كلها
الضابط اللي علّق الرتبه على جنود المرور = ليته مع آخر خدمته بعض العرب يفطن لها
العمــــــدة
دام البقا رديةً تشرح مغاليق الصدور=مافيه عقدة فالصدور الا تجيك بحلها
اصبر لوقتك مثل صبر ايوب وتزين الامور=لابد يظهر للعرب دق العلوم وجلها
عقاب العنزي
الله يعز اصحابك الغالين وافين الشبور = لكن ّ خلك في ذراها واستظل بظلها
من بعد مابدلت جلد الذيب في جلد النمور = يمكن ذياب الظلع في تال الزمان تذلها
العمــــــدة
من فضل ربي ماقضيت العمر في ظل القصور=اشب ناري من زنادي والدروب ادلها
المشكلة فاللي سرى ليله على عشرين شور=وعروق قلبه كل طاري لا طراله تلها
عقاب العنزي
لو الاشدّه في يدي مدّيت لصحابي جسور = اغنيتهم عن المسامه والدموع وهلّها
المشكله فاللي مع العالم ماحصّله عبور = يااصحابنا ياللي ورا الحفنه مراتع بلّها
العمــــــدة
هذا اعترافك يا طويل العمر قدام الحضور=ما دمت مالك فالاشدة مانت مجبر خلها
يا عقاب مانت عقاب ابن سعدون ونقول مخبور=والناس تعرف نوت يالطيب وتعرف خلها
عقاب العنزي
مدام بندقك العزيزه من سنه ازرت تثور = وش تنتظر حدّ السيوف المرهفات وسلّها
انا وريث المجد والطالات من ماض العصور = ماقف بوسط الملعبه الا وانا كفو ٍ لها
العمــــــدة
وشلون اثورها وانا اشوف الجنايز فالقبور=يسدها جور الزمن ماني مزود غلها
حطيت حبك يابن وايل فالرحاة اللي تدور=وامسيت تحت المزنة اللي كل دار تعلها
عقاب العنزي
بكرا تطير امع السما ياصاحبي كل الطيور = تبا تملّ امن البسيطه والوجيه تملّها
ياللي قريت البيّنه واهملت مابين السطور = ماظن باقي لك بلاد ٍ فالديّر تحتلها !
العمــــــدة
ان ضقت يا صدر الشمالي والسبب زود المهور=ابشر برضوة وان بقت عليك ركعة صلها
عز الله اني خابر اللي فالصحون وفالقدور=اشوف زاد القوم واعرف كثرها من قلها
« آخـــر الـــمـــشـــاركــــات »
10-Jun-2009, 08:43 AM
العرض الشجري