ابو لمار
سلام الله برده تنهي الموضوع وتلمه = بعد ماشفت بعض الناس يذكرني وينساني !!
ياعيد العازمي علمي وعلمك زاد عن حجمه = اخاف انك تدوّرني بعد بكره ماتلقاني !!
العازمي
هلا يامرحبا بالشاعر اللي منجلي همه = بعد ماعلّق المشلح وباقي ,,مشلحٍ ثاني!!
قبل لانسري الطرقه حروفك ناقصه ضمه = تسلفها وكمل طرقتك والهرج نيشاني!!
ابو لمار
يدوم الك البقا واقولها والناس ملتمّه = اخذ بشتي على بشتك عسى تزهاك الالواني !!
تبا الضمّه قبل نسري علامك جيت بمطمّه = اشوفك يالعتيبي عن علوم الطيب تحداني !!
العازمي
هذا الموضوع يارجال مايجذب هل القمه = غناويه بحيل الله ونحمي كل ميداني!!
يدور الشك حول اللي هجوسه تخطي اليمه = ورجلٍ مايجمّل ماقفه ماهوب سفياني!!
ابو لمار
انا ماقول فيك اقصور مانته بارد الهمّه = ويدعمك البريطاني ويدعمك المريكاني !!
تبا تملي شروطك في حلال الناس وتخمّه = تلّفت بالنظر في قاصي العتبان والداني !!
العازمي
بعد ماعيد يالسفياني الليله نفذ كمه = يبا يدعمك بالشعر الجزيل بدون نقصاني!!
ليامنك طلعت الضلع تاتبرابك الذمه =عتيبه كلهم قاصين ياخاتم سليماني!!
ابو لمار
ابو لمار مايتبع هل الشكات والنمّه = على قول الكلام الجزل ماتقدر تحدّاني !!
اشوفه قام يستظرف حليل اخفيّف" دمّه = اظنه قبل ياتينا تعشى لحم ضباني !!
العازمي
وردنا ياعميل الخير والميراد للجمه = وحبلي ماقصر لن كان رب البيت خلاني!!
تعشّاك الحنش في ليلةٍ فيها دفق سمه = وفوق اخوانك اللي فالهدا رح علق العاني!!
العازمي
تحسّن مستواك وزبدة الموضوع من عمه = عطوك الخامس اللي ميّز المجني عن الجاني!!
صحيح النار والبارود ترعب باردالغمه=وانا متني يثبّت بندقي مابين ذرعاني!!
« آخـــر الـــمـــشـــاركــــات »
06-Jun-2009, 11:56 PM
العرض الشجري