علي العضياني=
تعال يا سعود العصيمي يا كبير المشرفين=أبا أتكلّم معك في موضوع و الساري سرى
إليا نشدتك يالعتيبي وش حصل بين الثنين=و من استلم قضيّة الاسبوع و الساري سرى
سعوود العصيمي=
ياعلي جيتك ياعلي وانته عشيـر الغانميـن=اطبع خبر واسمع خبر مطبوع والساري سرا
السالفة عند الحسن ويعلمك عنها الحسيـن=مغير ضربه وحده فالكوع والسـاري سـرا
علي العضياني=
ما تدخل الشكّات بقلوب الرجال الطيبين=و العلم واضح و الزعل ممنوع و الساري سرى
يا ربعنا الغالين كلّ اللي وراكم لا يبين=لو جا خطا ترى الخطا مرجوع و الساري سرى
سعوود العصيمي=
الشك زايل والخطأ يحسب على المتجاوزيـن=والسيف مرهف والعلم مرفوع والساري سرا
خل العرب في شأنها ترا العـرب متفاهميـن=من زل عن درب السنع مردوع والساري سرا
علي العضياني=
يا صاحبي من يسكت عن الحقّ شيطانٍ لعين=اهرج لسانك ماهو بمقطوع و الساري سرى
الله يصلح شانهم في كل وقت و كل حين=و الذيب ما هو ميّت من الجوع و الساري سرى
سعوود العصيمي=
انته تحسب ان المراجع من تعداهـا ذهيـن=ترا جزاها ياعلي مربوع والسـاري سـرا
ياعلي وش رأيك لياقلت لك بالعلم الرزيـن=عطني جوابك يارزين الشوع والساري سرا.
علي العضياني=
كل الكلام اللي حصل لو ينحصر في كلمتين=ما ينفتح للسالفه مشروع و الساري سرى
يا صاحبي ما ضاع للديّان و المديون دين=ربعٍ تحاول تذبح الجربوع و الساري سرى
سعوود العصيمي=
الله يبـارك يابـو زيـد والدعـوى تـزيـن=وان كبرت الدعوى نجيب دروع والساري سرا.
اناادري انك ياعلـي ماتحتمـل لـك طلقتيـن=واناالخصيم اللي يضد جموع والسـاري سـرا.
علي العضياني=
يا وارد الماء قمت تجذب دلو ماء و دلو طين=احسب حسابك يطلع المجموع و الساري سرى
و انت لك من عندي ثلاث و بعدها ربك يعين=تصير ضرس من الجما مقلوع و الساري سرى
سعوود العصيمي=
انته وردت الماء وحنـا وارديـن الاوليـن=والفرق بيّن بين شكل ونوع والساري سرا.
انا جبل راسي وضلعي فالمواقـف مايليـن=ماني سواتك يااحمر القبوع والساري سرا
.
علي العضياني=
الأعور اللي ما يشوف الناس غير بنصّ عين=تراه مثل المشلح المرقوع و الساري سرى
يا سعود سور الصين مابه مثله الحصن الحصين=ما تطمره يالفارس الصعصوع و الساري سرى
.
سعوود العصيمي=
رح علمه لنكان جاهل مافعلنا فـي حنيـن=كم فارسآ من فعلنا مفدوع والساري سـرا.
حنا عتابه صف واحد في وجيه المعتديـن=وراسٍ يشتت شملنا مقطوع والساري سرا.
.
« آخـــر الـــمـــشـــاركــــات »
06-Jun-2009, 04:47 PM
العرض العادي
