تعال يا سعود العصيمي يا كبير المشرفين=أبا أتكلّم معك في موضوع و الساري سرى
إليا نشدتك يالعتيبي وش حصل بين الثنين=و من استلم قضيّة الاسبوع و الساري سرى

ياعلي جيتك ياعلي وانته عشير الغانمين = اطبع خبر واسمع خبر مطبوع والساري سرا
السالفة عند الحسن ويعلمك عنها الحسين = مغير ضربه وحده فالكوع والساري سرا

ما تدخل الشكّات بقلوب الرجال الطيبين= و العلم واضح و الزعل ممنوع و الساري سرى
يا ربعنا الغالين كلّ اللي وراكم لا يبين=لو جا خطا ترى الخطا مرجوع و الساري سرى

الشك زايل والخطأ يحسب على المتجاوزين = والسيف مرهف والعلم مرفوع والساري سرا
خل العرب في شأنها ترا العرب متفاهمين = من زل عن درب السنع مردوع والساري سرا

يا صاحبي من يسكت عن الحقّ شيطانٍ لعين=اهرج لسانك ماهو بمقطوع و الساري سرى
الله يصلح شانهم في كل وقت و كل حين= و الذيب ما هو ميّت من الجوع و الساري سرى

انته تحسب ان المراجع من تعداها ذهين = ترا جزاها ياعلي مربوع والساري سرا
ياعلي وش رأيك لياقلت لك بالعلم الرزين = عطني جوابك يارزين الشوع والساري سرا.