ياليل ياطول المسافات

[نقاء بن هجرس الذيابي]

تعبت





ياليل ياطول المسافـات طـولآه
بين الغروب وبين لحظة ارقـادي
كني غريب فالزمن تاهت اخطـاه
والموعد المهجور شربـي وزادي
ماني غريب الـدار يالليـل ولله
غريب فكر وعايش فـي بـلادي
وكل الشموع اللي فعيني مضواه
ماتت وقمت اعلن عليها حـدادي
حتى الحروف الساكنة تنطق الآه
اسمع صدى وناتها فـي فـؤادي
اتبوح لاوراق الشقاء مـا تمنـاه
وتعلـم الافكـار حـب التمـادي
وامسيت مثل العود مافوقه الحاه
ايصارع اوجيه السنين الشـدادي
تعبت وحبـال الزمـان المطـواة
تغتال لحظات الفرح في مهـادي
تعبت اجامل وابتسـم للمعانـاة
لين اصبحت في واقعي شي عادي
تعبت اسج الفكر وادور ارضـاه
لين انتحى مدري عنه وين غادي
اعبـر بفكـري واقعـي واتعـده
واشق صمتي بالسيوف الحدادي
اهيم في قصور الخيـال المبنـاه
واعيش ما بين القيم والمبـادي
يللي تقول ان الصبر مـر لـولاه
مات الرجا والياس وثق قيـادي



تجربه في شعر الحداثه اتمنى ان ترقى لذائقتكم

[محمد العتيبي]

نقاء بن هجرس الذيابي

صح لسانك على هذه الرائعه والمميزه ..

تقبل اعجابي
...

التوقيع

للتواصل عبر twitter تويتر al_bargawy@