علي فلاح العضياني
اسطورة العتبان جاب العيد جعله ما يعيد=ما ينكبه غير الكلام اللي يقوله من فمه !!!
و الله لو إنّه شاعر و دكتور في نظم الـقـصـيـد=ما يرفعه من طيحته ,,, قصيده اللي ينظمه !!!
سلطان الجـذع
ليا هرجنا ماهرجنا غير بالعلم الاكيد = وليا سكتنا الحلم والحكمه ,, لنا طبع وسمه !!
اصحابنا العضيان على خبرنا مابه جديد = اللي يذمون التمر كانوا يمصون عََجَمه !!
علي فلاح العضياني
كلامك اللي قلت , ما من حرف واحد نستفيد = يالصاحب اللي صار متساوي وجوده وعدمه
نجني من عذوق الرطب مانقبل التمر الربيد = يوم ان بعض الناس مثلك ياكل اللي يلزمه
سلطان الجـذع
أن كان يالصواغ تجهل قيمة العقد الفريد = انشد ترى النشاد عراف الرجال تعلمه !!
خلك معي قبل اعرض الدعوى على العالي رشيد = اسمع كلامك ياطويل العمر وانقد معظمه !!
علي فلاح العضياني
ما تبلش العقّال , غير براعي القلب البليد=اللي جحد قوله بعد ما صدّقته المحكمه
الناس تستنكر و تشجب كل فعلك ما تشيد=أهل المحاني و الحويّه و الحفر و المردمه
سلطان الجـذع
هذا هوى خله يسير من الوريد أليا الوريد = مثل الدجيما اللي قضى نحبه عسى الله يرحمه !!
لاوالله عتيبه تقّدر سلة السيف الحديد = اللي لو اهوى فوق صخر صلب يمكن يقسمه !!
« آخـــر الـــمـــشـــاركــــات »
21-May-2009, 12:36 PM
العرض الشجري