العووني =
سلامٍ الله سلام يقلع العتبان قلع ضـروس=على شان السيوف اللي تنومسني مضاربها
انا الليله معي علم وخبر ومحضر الهاجوس=ابا اكرم لحى شعارهـا وادقـم شواربهـا
سلطان دحيم =
الا يا مرحبا ترحيبة( ن) تكسر خشوم و روس=لكم يا مطير لين الروس تنزل عن غواربهـا
انا الليله نويت الحسك ياهييـه حـد المـوس=على شان تعرف قدر الرجال اللـي تحاربهـا.
العووني =
مدام انه رما بك في يديني حظك المنحوس=تبا تزعل عتابه منك حاضرهـا وغايبهـا
ابا اقرر لك المعنى وابا افصل لك الملبوس=واذا جاتك ردية حسب قدرك !! لاتغاربهـا
سلطان دحيم =
ترا خصمك عتيبي(ن) على رأس الخصيم يدوس=وانـا مـا همنـي هرجـة مطيـر(ن) يرتبهـا
انا ادري ان الرديه نبتها في داركـم مغـروس=وانا ربـي مكرمنـي عـن الهزلـه وجايبهـا
العووني =
عتيبة وقتنا الاول علـى حسـرة وذل نفـوس=ماغير قبـور موتاهـا شواهدهـا نصايبهـا
ابا اضرب لك مثل واعطيك في رد الكلام دروس=يقولـون الرديـة ماتـسـاق الا صاحبـهـا
سلطان دحيم =
عتيبه من سببها يالمطيري بيرقك منكوس=وترا محداركم يا مطير كله مـن سبايبهـا
انا ما ادري ولكن ظني انك يا ولد ملحوس=ما دام ان الرديه معك فانته مـن قرايبهـا
العووني =
مطير من الكويت أليا شمال الطايف المانوس=ولا به غيرنا أحدٍ بهـذل عتاابـه وعذبهـا
ياراع البندق العوجاء لاترفع يدك للنـادوس=لو نقرب لك الشارة ترى ماانتـه بصايبهـا
سلطان دحيم =
نعرف دياركم من كثر ما رحنا هناك عسوس=حشرناكم علـى الحـره تشرقهـا تغربهـا
دبست لسانك بمرطمك يالعوني بلا دبـوس=ولكن يا حيايا الارض روحي مع عقاربهـا
العووني =
هذا شاعر واصفق له لو يجيب الخبر معكوس=وليد الضبعه اللـي تقـرب الحلـه وتنهبهـا
انا اذكر قصة اللي في يديكم حبلها ممسـوس=وراكـم ماثنيتـوا دونهـا وانتـم حبايبـهـا
سلطان دحيم =
يا ليتك تستريح وكان تبغى فلوس دوك فلوس=يا ولد الفاره اللـي تقـرب العالـم وتنكبهـا
هذا علم (ن) بلا برهان لكن لا تقوم تحـوس=ذيابـة نجـد والله مـا تفكـر فـي ثعالبهـا
العووني =
مدامك انك تبا الفكه تريّح والرجال جلوس=مواقفنا صعيبة وانت تـوّك .. ماتناسبهـا
هذا عذرك ليا منا كشفنا الخافي المدسوس=ولكـن التواريـخ اثبتتهـا لـو تكذبهـا
« آخـــر الـــمـــشـــاركــــات »
23-Apr-2009, 03:48 PM
العرض الشجري