 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
25-Mar-2009, 11:01 AM
|
رقم المشاركة : 1 | |||||
|
الشاعر سعد بن دخيل الله * المزاين*
السلام عليكم ورحمة الله وبركاته
قصيده للشاعر / سعد بن دخيل الله الدعجاني العتيبي موجهه للشاعر ممدوح بن سالم العطياني بمناسبة ذكرى المزاين .. اتمنى ان تنال اعجابكم .. بسم الله يا راكب اللي يشعبه كل شرموم=منوة فواد اللي يبرهن حظـوره فج النحر والخصر بالحيل ملموم=لا جاء نهار الكسب يفقد شعوره اخذ الكتاب وسلمه قرم زيـزوم=من لابة ٍ فالطيب ماهي مخشوره ملفاك إبن سالم على عز وسلـوم=في مجلس ٍ كله ذيـاب ونمـوره وليا وصلته هذب العلـم بعلـوم=وحسب حسابك لا تضيّع سطوره اقرا السلام وسلمه قاف محـزوم=من جاش ابو بندر عديم المشوره ثم قل لبو سالم ترانا على الـدوم=ننشد عن اللي وافيـات ٍ شبـوره ولا الردي ما عندنا فيه ملـزوم=اللي شفوحه ما تعـدت سبـوره بنيت لك قاف ٍ جديد ٍ ومعصـوم=عن الجهل يحمي مبانيه سـوره ما حاشني حب الغنادير بهمـوم=ولا مضالي في هواهن خطـوره ياليت ربعن لبسو نجد فـي يـوم=احلى الدرر منها النفود محكوره اخيام مبنيه وصيـوان محشـوم=مشرعـه بيبانـهـا ومعـمـوره بدلال كيف ٍ تقعد الـراس للقـوم=وحيل ٍ تقلط فالصحون مخبـوره ينعاد ذكراهم على عز وعـزوم=وتبني لنا الهيلا مبانـي جسـوره انا اشهد ان العام عام ٍ له نشـوم=فيه المكاسب طامسات مخسـوره تكفى يابو سالم ليا قلت صيـروم=اما حصل ولا ترى جات ثـوره الملتقى عيدي وانا فيـه مهيـوم=الملتقـى غايـة فرحنـا ونـوره نبى يعـاد الملتقـى علـه يقـوم=وربعي هل الهيلا تحـرا لـدوره اذن يسلا خاطر ٍ صار مضيـوم=وابعد غثى نفسي ودنيا محـذوره ويصير سيف الهم فالجوف مثلوم=لا عاد له سطوه ولا عاد صوره بنيت لك قاف ٍ جديد ٍ ومعصـوم=عن الجهل يحمي مبانيه سـوره رد الشاعر ممدوح بن سالم العطياني المقاطي على القصيده .. بسم الله حي القصيد اللي من الشوق منظوم=يا شاعـر ٍ كمـل مهامـه ودوره صخر جزيلاتـه ورام العـلا روم=وتبقى على مر الزمان وعصـوره في منزل ٍ راقي عن اللوم والشوم=يخضع لها منهـو تزايـد غـروره ما فوقها بصمـه وتوقيـع وختـوم=مير الاسم ساطـع عليهـا بنـوره ولانته على بـدع التماثيـل مليـوم=الشوق فاحـت فالضمايـر قـدوره عسى نفود السر بالغيـث مرحـوم=حتى تفوح مـع النسايـم زهـوره فيه إجتمع ذباحة الحيـل والكـوم=يوم العدو يونس في كبده حـروره قم حدد الميعاد فـي يـوم معلـوم=لابد مـن بعـد المسافـه نـزوره وإن كان تبغى الراي فالراي مبروم=عندي لها مجلس تعـاون وشـوره يفتل وينقض فيه عـرُاف وقـروم=صلبين الارياء فالقسى والضـروره والكـل منـا فالمواقيـف قـيـدوم=ينطح شقا الدنيـا وهمـه وجـوره والراي ماهو من دراويش ورخوم=اللـي روابعهـم تجيـك معثـوره خذها يابن منصور من راس شغموم=راس ٍ يعـز اللـي تكـدر إمـوره البل لها عند العرب حـق وقسـوم=ماهيب مهضومه ولاهي محقـوره ياما تزارق دونها إرمـاح وسهـوم=وقت ٍ مضى فيه الدمـي مهـدوره إحدن تغانم مكسبه غفـل ووسـوم=وفي مراحها يلقى عشاه وفطـوره واحدن نكف من بعد مغزاه محروم=نكف بعد شال الهزيمه فـي كـوره وربعي حموها يوم هازم ومهـزوم=يوم الحرايـب مقبـلات ودبـوره ومن حقنا إنماريبها ونرفع السـوم=وبها انتباهى والمشاعـر فخـوره وصقرن بليا جناح مايدرج الحـوم=ورجل ٍ بليا مـال نفسـه صبـوره مثل البعير اللـي مقيّـد ومخطـوم=يبرك لحمله لو تضاعـف كسـوره ولو عندي اموال العلّوات والتـوم=اللي في صناديق البنوك محصوره لا قول في كـل التدابيـر مخـدوم=قدام جـو الصبـح تكفـخ طيـوره والامر له تصريح صادر ومرسوم=خمس حدعش تاريخ عاشر فطوره وان ما حصل ما يلحق المجتهد لوم=ترى الرجال في كل حـال معـذوره وان كان في راسك مقاصيد وعلوم=أركد تراك في دولة اخوان نـوره وسلامتكم جميع |
|||||
|
|
|
|
|
|
|
|
|
|
25-Mar-2009, 11:26 AM
|
رقم المشاركة : 2 | |||||
|
صحت السنتهم وصح السان ناقلهن والله يجمعنا على الطيب دايم يابن العم
|
|||||
|
|
|
|
|
|
|
|
|
|
|
25-Mar-2009, 11:33 AM
|
رقم المشاركة : 3 | |||||||
|
يااسلاام ..
صح لسان الشاعر / سعد بن دخيل الله الدعجاني و الشاعر / ممدوح المقاطي...وبيض الله وجيههم ... ولاهنت يادهيمان على النقل ..والله يعطيك العافيه ..وماقصرت ..
|
|||||||
|
|
|
|
|
|
|
|
|
|
|
20-Apr-2009, 07:45 PM
|
رقم المشاركة : 4 | |||||
|
قصيدة رائعة ورد اروع
صح اللة لسان الدعجاني والمقاطي ولاهنت يادهيمان على النقل .. الله يعطيك العافيه |
|||||
|
|
|
|
|
|
|
|
|
|
|
21-Apr-2009, 04:10 PM
|
رقم المشاركة : 5 | |||||||
|
مشكور يالغالي ماقصرت ..
|
|||||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
