سلطان الجـذع
مرحبا ترحيبةٍ تخلص طليبٍ من طليبه = والوعد هذا اوله واتلاه مع نور الصباحي
ياعلي لا قدر الله لو تجي شاعر عتيبه !! = ضاقت الدنيا على الاجواد من كل النواحي
علي فلاح العضياني
البقا بالشاعر اللي يعتبر شاعر مصيبه = و للمصيبه كمّ معنى (فاللّغه ) و ( الاصطلاحي )
العضيّاني عطاه الله يا سلطان هيبه=و الله انّا ما نلومك لو تطنّب بالصياحي
سلطان الجـذع
والله انا مانقف عند الكلام اللي تجيبه = لين يرقى للردود اللي مثل ضرب السلاحي
ماعليه خلاف لكن فيه شك وفيه ريبه = تضحك سنونه لو انه يشرب السم الذحاحي
علي فلاح العضياني
نظرتي دايم بعيد و نظرتك دايم قريبه=يا شديّد و الله انّك ما تجي مثل الرياحي
ما عليه الطيّب اللي يعرفون الناس طيبه=المهمّه يالجذع تبغى لها رجّال صاحي
سلطان الجـذع
عندي السيف الرهيف وعندي الكف العطيبه = والصباح اللي سكن دسمان يبشر بالصباحي !!
لو عطوك الكور وحبال النجيبة والنجيبه = ياعلي لاتحسب التسبيح لعبك بالسباحي !!
علي فلاح العضياني
أنت جندي فالكتيبه ما انت قايد للكتيبه= ( عظم تبطي ) ما وصلت لمستوى ( علي فلاحي )
يالعتيبي كلّ جرحٍ يعرف علاجه طبيبه=الجهود الله يجعلها تكلّل بالنجاحي
سلطان الجـذع
انتظر ياصاحبي لين الزمان يبين غيبه = السحاب قنوف والبراق في منشاه لاحي
حملت العذرى وجات بتوم فظروفٍ غريبة = الله انه لايجير اللي معه عقد النكاحي
علي فلاح العضياني
أطلب الله ينقذك ... مرّيت بظروفٍ صعيبه= الله يسهّل طريق الباص ( يالكبتن مناحي )
نعرف فروخ الحرار اللي مجانيها عريبه=يشتويها جاهلٍ ما يعرف طيور الفلاحي
سلطان الجـذع
كان ماجت بالرضا ياصاحبي جت بالغصيبه = لين يرجع فاعل المحظور لحدود المباحي !!
انت في عرفك تقول المخطيه مثل المصيبه = ماعرفت الفرق فكفوف الاكارم والشحاحي !!
علي فلاح العضياني
العذاب اللي حصلّك صار للشّهره ضريبه=الله يعينك على ضرب الجنابي و الرماحي
الله اللي عزّ مكّه و الله اللي عزّ طيبه = و كل كلمه ما لها معنى تطير مع الرياحي
« آخـــر الـــمـــشـــاركــــات »
20-Apr-2009, 04:59 PM
العرض المتطور
