تجيب الصدف لاعاد شوف بعض الصدفات=تجيب البنادم لين يدخل حبايلها
وانا اليوم جالي صدفة مالها حزات=بليا وعد جتلي يافايز وجيتلها
تمشيت في سوق يزورنه الخفرات=مدور غرض والناس ماني مسايلها
وتعرض نضر عيني لعفرن بسوقه جات=تذوب القلوب العاشقه من تمايله
تمايل غصون الموز في حايط المسقات=عليها من الفيه ضلال مضللها
وتذكرت يافايز زمان لعمري فات=ياليت الليالي كان تر جع من اولها
ليال يافايز قيد ذقنا لها لذات=عقبها ليال جعل ربي يعدلهاش
وهاذي ليال العمر دايم يجن افوات=تجي الاوله والثانيه ماتحال الها
ليا اقفن يافايز فالمشي بالخطا عجلات=لو انك تبا ملحاقها مالحقتلها
وجودي عليهن ليتهن يرجعن اوقات=واسليبها روحي عن اللي مزعلها
وجود الخلوج اللي ولدها يافايزمات=بعد ماعتدل فالمشي معها وقاملها
رماه القدر في عيلمن مالها قاعات=يذوب النضر من دونها مايحقلها
وقامت تدير البير وتجروع الحنات=تخيلها صوت الحوير يحنلها
تهايق مع الطيه وراحت شوي وجات=تهوز المميل وفيه شي مجفلها
آخر تعديل عبدالله الاصعر يوم 15-Apr-2009 في 04:55 PM.