عتيبه الهيلا ولاحدن بغاويه***مثل العلم مرفوع فوق الدواير

[** البرقاوي**]

المشاركة الأصلية كتبت بواسطة اخطار برقاوي

هذه القصيدة جادت بها قريحة احد الشعراء عندما كنت انا واياه سوياً نتصفح احدى القصائد فتفاعل الشاعر مع هذه القصيد وقال:::

اليا بدعنا الشعر نتعب ونبنيه=نبنيه بني مسلحات العماير
شعر الرجال الي جزيله معانيه= يبهج اليا زاره على النت زاير
من زارنا يلقى علوم تسليه= في منتدى يلقى فيه الطرف والنداير
عتيبه الهيلا ولاحدٍ بغاويه= مثل العلم مرفوع فوق الدواير
اما ذكرنا واحدٍ نفتخر فيه = اهل الفعول الي تشوق النظاير
ذربٍ يجينا في المهمات ونجيه= يفزع ليا جن العلوم العساير
ولا نصحٍ واحدٍ من مماشيه = اليا مشى دروب الردى والعثاير
اليا نسي ربه وضاعت مباديه = بين الدعاية والمجلاي حاير
واجب علينا انا الى الله ندعيه= اما اهتدى ولا ماهي بالجبيار
انجادله بالحق واللين نبديه= ونصدق معه ان جامله كل باير
مثل الحمياني عسى الله يهديه= ويصبح على ما يرضي الله ساير
يدعو لشيءٍ ننكره مانواليه= منكور في سلم العرب والعشاير
ماني براضيبه ولاحدٍ براضيه= في مجتمعنا ما مضاله سواير
يسعى لهتك الستر خابت مساعية= لا طاوعنه يابنات الحراير
عنده ثقه فيكن ما احد يسوية= لاصايرن منكن ولا هوب صاير
ثوب الحياء تاجن على الراس حطيه= يعمي العيون الي غلبها غتاير
ودينك عن اهل البغي صونيه= صكي النوافذ زين وارخي الستاير

الله الله الله الله

وش ها الابداع يااخطار البرقاوي

قصيد جات في وقتها الله يوفقك ويوفق الي قالها بعد

لكن اصدقني القول اهي لك؟؟؟؟ ام لصاحبك

ترى امزح معك

المهم مشكوووووووووور على هذا الاختيار الموفق

وياخوفي عليك يااخطار برقاوي


تحياتي النجم المعتلي