محمد صالح العطاوي
ياسلام الله عليكم كل يوم وكل ليله=قلتها من خاطري ياصحابنا والنار حيه
البعير اليا برك للحمل لابدة يشيله=والسنين المقبله ما هي بمثل الاوليه
باروود
ياهلا يامرحبابك عد همال المخيله=بالنيابه عن هل المعروف ورجال الحميه
يامحمد خلها من بيننا طرقه طويله=الحظوظ بتالى الايام ماهيب اجوديه
محمد صالح العطاوي
البقا ياللي ترحب وانت شاعر من قبيله=وان بديت بعلم تلقا مع صحيبك علم زيه
لاتطب البحر وانته مامعك خبره وحيله=دام فالدعوى مجال الطف علي نفسك شويه
باروود
برك الزمل ابعدود وجنب الزمل الثميله=كان لك عقل رشيد وكان نيتك ابرحيه
درج الرجلين والمخلوق خلاقه وكيله=وانتبه للنار والبارود لاتشره عليه
محمد صالح العطاوي
خابرينك شاعرن ياصاحبي مافيك حيله=مار تبشرياوسيع العرف منا بالهديه
يوم لاح البرق يمك واشعيب اكتض سيله=ليه سيله ياولد ماينبت الارض السنيه
باروود
من تعود للمغازي مارجع يومي شليله=وانت ياراعي عفيف اشوي واحل القضيه
البروق اتلوح مير الخبل من يدفق صميله=والتمني مزهب اللي تاه وسط المهمهيه
باروود
من تعود للمغازي مارجع يومي شليله=وانت ياراعي عفيف اشوي واحل القضيه
البروق اتلوح مار الخبل من يدفق صميله=والتمني مزهب اللي تاه وسط المهمهيه
محمد صالح العطاوي
كل واحد ياصحيبي عارفن وشهو حصيله=يوم بعض الناس ماحصل كثير ولابليه
لاتبهر دلتك ياصاحبي بالجنزبيله=واحترص لا لا تضيع اليوم من يدك الرعيه
باروود
وين كواي العروق وين كساب الفضيله=كان بعض الناس عنده نية يطمر طميه
ياجماعة خير اناابلزمه والااترك سبيله=البلا من عودي اللي حط قي راسي وصيه
07-Apr-2009, 06:20 PM
العرض الشجري