ياسلام الله عليكم كل يوم وكل ليله=قلتها من خاطري ياصحابنا والنار حيه
البعير اليا برك للحمل لابدة يشيله=والسنين المقبله ما هي بمثل الاوليه

ياهلا يامرحبابك عد همال المخيله=بالنيابه عن هل المعروف ورجال الحميه
يامحمد خلها من بيننا طرقه طويله=الحظوظ بتالى الايام ماهيب اجوديه

البقا ياللي ترحب وانت شاعر من قبيله=وان بديت بعلم تلقا مع صحيبك علم زيه
لاتطب البحر وانته مامعك خبره وحيله=دام فالدعوى مجال الطف علي نفسك شويه

برك الزمل ابعدود وجنب الزمل الثميله=كان لك عقل رشيد وكان نيتك ابرحيه
درج الرجلين والمخلوق خلاقه وكيله=وانتبه للنار والبارود لاتشره عليه

الله الله

صح لسانك يا محمد
وصح لسان بارود



متتتتتتتتتتتتتتتتتتابعين

خابرينك شاعرن ياصاحبي مافيك حيله=مار تبشرياوسيع العرف منا بالهديه
يوم لاح البرق يمك واشعيب اكتض سيله=ليه سيله ياولد ماينبت الارض السنيه