سلطان الجذع =
ياابو مناسيب عيدة جـات لجهينـه بمليـون=وانته بعد رحت ماادري عنك ويش اللي تجيبه
ان كان ماجيت بالمليـون والعالـم يشوفـون=ماانته عتيبي ولاوجـهٍ تباشـر بـه عتيبـه
ابو مناسيب =
عيده خذت قسمها ولاانت وش قسمك بهالكون=وابو مناسيب لامنه رمى ماخطـأ الضريبـه
ماجيت للمرحله ياصاحبـي ياكـود دنـدون=يالله يارب بيّن فزعـة صحيـب وصحيبـه
سلطان الجذع =
اقرب قريب انك لربعك تعوّد مامعـك لـون=لكن يااهل البجاديه ترى ماهي غريبـة !!
المرحلة يالنخيش يجي لها صاحي ومجنون=ماهو بشرط الوفاء موجود في كل الكتيبه !!
ابو مناسيب =
ان رحت وان جيت دايم معتلي وابليس ملعون=يوم الجذع مختبي له ياعرب داخـل زريبـه
يمناي وسط الشحم والسيف ياسلطان مسنون=هذا الخبر يالجذع من دون شك ودون ريبـه
سلطان الجذع =
لولايه اكبر من الشهره وعنـدي مـال قـارون=فزعت مع كل صيـاحٍ علـى راس الرقيبـه !!
صورتك جنب العصيمي تثبت انك ماانت مضمون=فأدنات فرصه ياابن غازي تضوي لك مصيبه !!
ابو مناسيب =
سلطان يحسب مع اللي من ورى الشاشات يبنون=جهده مع الوقت رايح مثـل مـرواح الذهيبـه
خل الصور عنك ياسلطان ثم صح واطلب العون=معـاد فـي يـدك يارجـال مصقـول تغزيبـه
ياسلالالام
ياسلالالام
صحت السنتكم
وكملوووا الطااااروق.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
03-Apr-2009, 01:48 PM
العرض الشجري