انا ربعي هل الطولات فـي الهيجـا حمـاة الخـور ___ كديميس العصيمي

[شلاش]

قصيده موجهه للحميدي بن حمد بن نفجان الغيداني

سـلام الله عليكـم يالحميـدي والعلـم منـشـور=وصلـك كتابنـا ياابـا القـواري واقـر ياقـاري
نبي نشرح لك التاريخ واللي قـد مضـى لـه دور=وعليك تشوف جـزلات المـواري واقـر ياقـاري
تصفـح صفحـة التاريـخ لاتغـتـر يالمـغـرور=وتفكـر عنـد بصمـات الأثـاري واقـر ياقـاري
وتقدم كـان عنـدك قـوة ٍ تقـدر تحمـل الجـور=ترى من طـاح تطـاه السمـاري واقـر ياقـاري
تبي تدرى الخطر عن حرب وانت من الخطر مخطور=الـك درب ٍ خبيـث فيـه جـاري واقـر ياقـاري
تعرض للمشاكل وانت تحسب مـن حمـام الـدور=تمغـط فاالتـرف منتـه بـداري واقـر ياقـاري
عليك بغرشة المكيـاج طيـب الناظـر المكسـور=ومع الجنس اللطيف البس خزاري واقـر ياقـاري
وبـدال اللحيـه الجوتـي وخلـه كنـه البـاكـور=تزين به مـع اصحـاب الكبـاري واقـر ياقـاري
ترى رجل ٍ سواتك عـن ملاقـاة العـداء معـذور=كمنك صرت في الصف اليسـاري واقـر ياقـاري
ومعك خمة رخوم ٍ في غرور وفـي فلـك اتـدور=وكل ٍ قد حصل لـه جـرح فـاري واقـر ياقـاري
مساكين ٍ تناغق ينغـق الأجـرب مـع المجـدور=ومرضكم من غشيشات المسـاري واقـر ياقـاري
انشيتـوا حجـة ٍ عميـا ويتبعهـا شـهـادة زور=وكم واحـد عليكـم صـار زاري واقـر ياقـاري
انا ماخبر حكيم ٍ كـان يقنـص بالدجـاج اصقـور=تـذري بالمـذاري يالحبـاري واقــر يـاقـاري
خسـر مـن سلـم العـورا قيـادة دفـة البابـور=ورى مادوروا لـه مثـل ضـاري واقـر ياقـاري
تقول او ماتقـول اخبـار كـل ٍ بالخبـر مخبـور=ولاهـز الجبـل لفـح الـذواري واقـر يـاقـاري
انا ربعي هل الطولات فـي الهيجـا حمـاة الخـور=ورثنـا المجـد ماجانـا عـواري واقـر ياقـاري
انـا ربعـي عتيبـه لامشـا الطابـور للطـابـور=على سرد الرمك ناطـا المحـاري واقـر ياقـاري
ليا دقت طبـول الحـرب صـار الـدور للممـرور=وردنـا المـوت وردك للغـواري واقـر ياقـاري
واليا اشتد القتال وعجتـه غطـة خشـوم القـور=ولـو صـار انتحـاري مانـداري واقـر ياقـاري
نزلنا نجـد بالسيـف المهنـد والشهـود حضـور=من اشراف الجحـادر والمطـاري واقـر ياقـاري
ملكنـا الـدار بالبتـار شوفـي يالعيـون العـور=بعـد سايـم وبيـاع ٍ وشـاري واقـر يـاقـاري
هجمنـا واسقمنـا فـي البـلاد وضدنـا مقهـور=وعلى حرب انتصرنـا والمبـاري واقـر ياقـاري
طردنا حرب عن وادري الرشا وامسى العدوا مدحور=بعـد عرجـا تهلـون العبـاري واقـر يـاقـاري
لقيناكـم تعبـون الجمـوع وترسلـون سـبـور=وهزمنا الجمـع الأول والمثـاري واقـر ياقـاري
حشرناكم علـى عرجـا وقـدر حالـة المحشـور=وغصبناكم علـى الذلـه اجبـاري واقـر ياقـاري
غصبناكم واخذنا الطـرش والمقهـور والمظهـور=وحديناكـم علـى شيـب الصحـاري واقرياقـاري
اخذناها بحد اللي علـى شطـر الصـدر مسعـور=مـن ايمـان ٍ تصـدى للجـواري واقـر ياقـاري
واليا لاحت بروق الوسم واصبح والوطن ممطـور=شربنا النقع من صـاف الخبـاري واقـر ياقـاري
ورعينا زرقـة المربـاع وانتـم تاكلـون السـور=قنعتـوا بالعراميـش اظطـراري واقـر يـاقـاري
ولوانا مانشوف لحوم مـن دون السحـاب اطيـور=غزيناكـم مثـل ماكـان ظـاري واقـر ياقـاري
تضيع مهاترتك اليـا سمعتـه يرطـن الشرشـور=وتشتت حـرب لعلنـا الطـواري واقـر ياقـاري
عسى الله ينصر الإسلام وايضا اللي بهـم منصـور=هل العوجا مصابيـح الغـداري واقـر يـا قـاري