قادح شرار :
سـلام رديّـة ٍ تبـدأ بتحقيـق = عن سالفه ما تدرّق بالدراقه !!
يا حاكم أثرك هنا مندوب تسويق = اتسوّق لراس كاثـرة ٍ فلاقـه
حاكم الغنامي :
يامرحبا والسعه ياباغي الضيق = لاتغرقك فالبحر كثـر الحماقـه
السوق ياصاحبي حض وتوافيق = احدٍ جلب طيّبـه وحـدٍ دقاقـه
قادح شرار :
بعطيك علم وكلام ينشّف الريـق = وينشّف البحر لو زاد أصطفاقـه
يا كم فالوقت صايرة ٍ تلافيق !! = حتى أنت محطوط من باب اللفاقه
حاكم الغنامي :
انا حلفت برضا رب المخاليـق = مثلك على الارض مايدرج بساقه
دوك الكلام المثبـت بالتواثيـق = تنقصك يالاجودي بعض اللباقـه
قادح شرار :
الحلف يا صاحبي وسط الطواريق = مثل عدمه والشّعـر دوّر مذاقـه
النقص ما يلحق رجال ٍ مطاليق !! = من خِلقة الله .. ولا هم بالبطاقـه
حاكم الغنامي :
لاخلص الدرس تبشرلـك بتطبيـق = اصبر وشكرك على موس الحلاقـه
ياقادح اخذ العبر من حرب الاغريق = بكره عليك الغـزو يحكـم نطاقـه
قادح شرار :
يا حاكم اللعب ضدك مـاش تشويـق = أظـن للملعبـة مـا فيـك طاقـه !!
علمي وصلك .. وورى علمي لواحيق = عاين لها وأرتقب .. مع كـل طاقـه
حاكم الغنامي :
اللي يشوف اليمن من طلعة طويق = حرٍ وله مع هل الماقـف علاقـه
ياقادح البشت في وسط الصناديق = واللي يبا البشت لايزعـل رفاقـه
قادح شرار :
ما فيه معلوم .. لكن ماش تعليـق = بيت الجهل يا أجودي صكوا رواقه
البشت بلّه وحطّه داخل أبريق !! = وأشرب من أبريقه أنته والرفاقـه
« آخـــر الـــمـــشـــاركــــات »
25-Mar-2009, 08:28 AM
العرض الشجري