العازمي
البال متكدّر ولالي نفس في لعب الطروق = هاذي ثلاث شهور ماشفت المزون ورشها
لكن يالنشمي تقدم دون برقا قدم روق = اللي جمعها فوق قرن ابليس بكره طشها
النشمي
لن ضاق بالك فارج الكربه كريم الوجه فوق=اللي رزق عمي الافاعي والطيور بعشها!!
اسمع نصيحة جدكم لا تاصل اللزم الحلوق= وان كان تمشي للجل ربعك يابن عاصي مشها!!
العازمي
ان كان ودك تعرف الاسباب مع بعض الفروق =مانتبع اللي حبل دلوه دون بيره حشها!!
بين الرجال حقوق وانته كنت ميزان الحقوق=واليوم فالثالث تحب الطايله وتخشها !!
النشمي
اللي حصانه خارج المظمار لونه سبوق= مثل الرحاة اللي عجوله والحبوب ادشها!!
الحق حكمه يابن عاصي يقطع يمين السروق=القوم تاثق فيك لاتمكربهاواتغشها!!
العازمي
الصاحب اللي لاكذوب ولايعدونه صدوق = لومه على اللي دمع عينه من زرا مامشها
اخوانك اهل الذوق دايم ذوقهم مماتذوق = اقفيت عنهم يالثبيتي والركاب تنشها
النشمي
بعض السوالف ماوراها لا صبوح ولا غبوق= وان كان غدتك العرب ياعيد روح وعشها!!
نويت اسوق اللي يجنب عن طريق الحق سوق=اهل الخيانه مالها الا بالمقش انقشها!!
العازمي
بعض السوالف مثل براق الحيا شوفه يشوق = كلمة عقل ماهيب من حظ السفيه ايوشها
ان سقت ربعك ردهم لاخوانهم قبل الشروق = فوق الجبال الراسيه ياعلي نزّل قشها!!
النشمي
لابارك الله في هنوف يودها كل امعشوق= ورخوم ينفخها علوم وكلمتين اتفشها!!
شقرالعصى منه الكبود بشر والقلب محروق=احرص علاها لا تضلي كل يوم اتهشها!!
« آخـــر الـــمـــشـــاركــــات »
13-Mar-2009, 01:29 AM
العرض الشجري