زياد الشطيطي
وين معجب لايروح و ودنا ناخذ علومه = لايجي فالصدر ضيق ولايجي فالقلب ريبه
لاتلوم العبدلي من بعد ما ضاقت هدومه = من سلك درب المصيبه لازم يحصل مصيبه
معجب العتيبي
طيّب الاصل المحنّك مايغيّر في سلومه=والسوالف يالشطيطي بعضها ماهي غريبه
والله انّا ننشد العاقل ليا زل ونلومه=والمريض ليا مرض يلقى مع العالم طبيبه
زياد الشطيطي
كان به شرهه ترا الشرهه على الشيخ وختومه = احمد الله يوم ربي جابه إلنا بعد غيبه
من يجيب الثوم في صحنه نبا نوكله ثومه = مار ضني ياطويل العمر ماترضى الغليبه
معجب العتيبي
ماجحد حق الغريب ولا نسى ماجوب قومه=عادلٍ وان جاه راعي حق ماضيّع نصيبه
والله انّا مانحب الضعف واسباب النعومه=وان نصانا راعي الفتنه نبكيبه قريبه
زياد الشطيطي
اشهد انه في سباته غارق ومغشيه نومه = العرب بعده غدو كلٍ يشكله كتيبه
ليت بشار الاسد لدّ النظر فاعضاء الحكومه = مادمره الا عصاباتٍ تغره بالضريبه
معجب العتيبي
لاتضنه غارقٍ فالنوم وتزوره حلومه=صاحبك ياصاحبي يدري عن اللي مادريبه
البحر قدام عينك ياولد عباد عومه=واترك اللي مايسرك وان بغيت الدر جيبه
« آخـــر الـــمـــشـــاركــــات »
10-Mar-2009, 09:10 PM
العرض العادي
