من روائع القصيد في الغزل(1) - الهيـــــــــــــلا *** منتدى قبيلة عتيبة

قرناس الصبيحي · 20-Apr-2005, 11:02 AM

قول الشاعر احمد الناصر

يامتلف الروح سدي باح ، من عشرتك ويش مصلوحي

حبك ذبحني بغير سلاح ، قلبي من الغبن مجروحي

لولا الحيا كان اصيح اصياح ، اخاف تلحق على روحي

تليتني تل دلو ارماح ، ياكامل الزين مسموحي

راع الهوا لو يبي يرتاح ، ماهوب يسمع ولا يوحي

اشوف في خدك الوضاح ، موت له الدرب مفتوحي

ترى الهوا فيه زرق ارماح ، ما هو سواليف ومزوحي

# # # #

وله ايضا:/
ياناس قولو لغض العود ، تكفون ياناس قولوله

ماشوف له من عذابي زود ، كثر التصاديد وشهوله

ابو ثليل اشقر مرجود ، اسمع بذكره ولا طوله

ياكثر الا زوال بيض او اسود ، ما همب مثله ولا حوله

عقب الموده جفا وصدود ، ما شفت زول مثل زوله

ان مت ابا القاعليه اشهود ، عينه وخده ومجدوله

اسهر وكل العيون ارقود ، اليا تباطيت مرسوله

يازين حبل الهوا ممدود ، لكن سجاياه مجهوووووله

###########