اهداء لشاعر والفارس عوض مشعان الثعلي(المعتصم بالله)

[عبدالله الاصعر]

المشاركة الأصلية كتبت بواسطة علي فلاح العضياني

بسم الله الرحمن الرحيم


هذه الابيات المتواضعه بمناسبة فوز حصان الشاعر والفارس/عوض بن مشعان الثعلي بالمركز الاول في سباق كلية المللك خالد العسكرية 0
واستلام الكاس من يد صاحب السمو الملكي متعب بن عبدالله بن عبد العزيز


الف الف الف مبروك

لحظة سباق الخيل في مجمع الناس= الكاس إبن ثعلي خذه من نصيبه
مبروك فوزك يابو مشعان بالكاس= تنشر لك البيضاء براس الرقيبه
جلبت للعتبان مكسب و نوماس=تفخر بك الهيلا قبيلة عتيبه
فعايل الرجال للطيب مقياس =الطيب اللي تعرف الناس طيبه
جدانك أهل الخيل يا طيب الساس= يوم المعارك فالحياه الصعيبه
اهل القنا والسيف والدرع والطاس=حريبهم تركز عليه النصيبه
وانته وريث متعبة قب الافراس = و لبست لك ملبوس (عزه )(و هيبه)
يحق لك بين العرب ترفع الراس = ربعك حمول الخيل ماهي غريبه
الله يجيرك في حياتك من الباس= ءامين يالله الدعاء تستجيبه
وصلاة ربي عد ماهب نسناس=على نبي الله رسوله حبيبه

الشاعر /على فلاح العضياني

علي فلاح العضياني

صح لسانك واعتلى شانك

ويستاهل ابن ثعلي

الفوز والنوماس والطيب ماهو غريب عن اهله

والف الف مبروك وان شاء الله دائماً الى الامام

وللجميع تحياتي