اهداء لشاعر والفارس عوض مشعان الثعلي(المعتصم بالله)

[ناصر المرشدي]

المشاركة الأصلية كتبت بواسطة علي فلاح العضياني

بسم الله الرحمن الرحيم


هذه الابيات المتواضعه بمناسبة فوز حصان الشاعر والفارس/عوض بن مشعان الثعلي بالمركز الاول في سباق كلية المللك خالد العسكرية 0
واستلام الكاس من يد صاحب السمو الملكي متعب بن عبدالله بن عبد العزيز


الف الف الف مبروك

لحظة سباق الخيل في مجمع الناس= الكاس إبن ثعلي خذه من نصيبه
مبروك فوزك يابو مشعان بالكاس= تنشر لك البيضاء براس الرقيبه
جلبت للعتبان مكسب و نوماس=تفخر بك الهيلا قبيلة عتيبه
فعايل الرجال للطيب مقياس =الطيب اللي تعرف الناس طيبه
جدانك أهل الخيل يا طيب الساس= يوم المعارك فالحياه الصعيبه
اهل القنا والسيف والدرع والطاس=حريبهم تركز عليه النصيبه
وانته وريث متعبة قب الافراس = و لبست لك ملبوس (عزه )(و هيبه)
يحق لك بين العرب ترفع الراس = ربعك حمول الخيل ماهي غريبه
الله يجيرك في حياتك من الباس= ءامين يالله الدعاء تستجيبه
وصلاة ربي عد ماهب نسناس=على نبي الله رسوله حبيبه

الشاعر /على فلاح العضياني

اولا الف الف الف مبروك

والطيب ماهو غريب على هله

ولا يستحق المدح الى واحد مثل عوض

والشاعر مايلام في مدح الرجال الكفو


جلبت للعتبان مكسب و نوماس=تفخر بك الهيلا قبيلة عتيبه

ماكذبت يابو فلاح

من طّلع اسم عتيبه بالعلم الغانم كلِ يفخربه

صح لسااااااااااااااااااااااانك
صح لسااااااااااااااااااااااانك
صح لسااااااااااااااااااااااانك


ابداع المتجدد

التوقيع

nasser1-9@hotmail.com http://www.facebook.com/profile.php?id=100002473132393 twitter@nasseralmarshde